ភ្នំពេញ៖ កាលពេលវេលាម៉ោងប្រមាណ ២រំលងអាធ្រាត្រ ឈានចូលថ្ងៃទី១៤ ខែតុលា ឆ្នាំ២០២១នេះ មានហេតុការណ៍គ្រោះថ្នាក់ចរាចរណ៍មួយ បានកើតឡើងរថយន្តម៉ាកធុនត្រា មួយគ្រឿងបានបុកជាមួយនឹងម៉ូតូ២គ្រឿងរងការខូចខាត និងមានអ្នករងរបួសស្រាល ៣នាក់។
បើតាមសមត្ថកិច្ចបញ្ជាក់ថា ហេតុការណ៍កើតឡើងនៅចំនុចនៅផ្លូវ១៩៩ កែងផ្លូវ៣៨៨ ក្នុងសង្កាត់ទួលស្វាយព្រៃទី២ ខណ្ឌបឹងកេងកង រាជធានីភ្នុំពេញ។ ក្រោយកើតហេតុភាគីរថយន្ត ដែលជាជនជាតិចិនមានគ្នា ៥នាក់ បានធ្វើការសងលុយ ១៥០ដុល្លារ ទៅភាគីម្ចាស់ម៉ូតូទាំង ២គ្រឿង ដើម្បីបញ្ចប់រឿងនៅនឹងកន្លែង។ បន្ទាប់ពីយល់ព្រមទទួលសំណងហើយ ទើបភាគីម្ចាស់ម៉ូតូទាំង២ មានអារម្មណ៍សោកស្តាយព្រោះលុយនោះមិនគ្រាន់នឹងជួលជុលម៉ូតូផង ខណៈខ្លួនក៏មានរបួសផងដែរ៕
