កំពត៖ នៅរសៀលថ្ងៃទី១៣ ខែតុលា ឆ្នាំ២០២១នេះ សម្ដេច ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញជាអធិបតីភាព ក្នុងពីធីប្រកាសមុខតំណែង អភិបាលខេត្តកំពតថ្មី គឺឯកឧត្តម ម៉ៅ ធនិន។
ក្នុងនោះឯកឧត្តម ម៉ៅ ធនិន ក៏បានថ្លែងថា “សូមប្តេជ្ញាពង្រឹងការអនុវត្ត គោលនយោបាយ ភូមិ-ឃុំ មានសុវត្ថិភាព ដើម្បីបង្ការ ទប់ស្កាត់ និងបង្ក្រាបសកម្មភាពល្មើសច្បាប់ ក្រុមជនទំនើង និង យកចិត្តទុកដាក់ អនុវត្តយុទ្ធនាការរឹតបន្តឹង ការអនុវត្តច្បាប់ចរាចរណ៍ផ្លូវគោក យុទ្ធនាការប្រយុទ្ធប្រឆាំងគ្រឿងញៀន ខុសច្បាប់ និងការ គ្រប់គ្រងគ្រោះមហន្តរាយ ព្រមទាំងខិតខំដោះស្រាយ បញ្ហាទំនាស់ដីធ្លី ដែលនៅសេសសល់ ក្នុងមូលដ្ឋានខេត្ត ឲ្យទទួលបានលទ្ធផលល្អ”៕
