ភ្នំពេញ៖ ក្រោយផ្ទុះករណីវិជ្ជមានកូវីដ១៩ ដែលតម្រូវអោយមានការបិទបណ្តោះអាសន្ននៅ វត្តនាគវ័ន ដែលមានទីតាំងនៅក្នុង សង្កាត់បឹងកក់ទី២ ខណ្ឌទួលគោក កាលពីថ្ងៃទី២២ ខែកញ្ញា ឆ្នាំ២០២១ម្សិលមិញ។ ហើយនៅថ្ងៃទីតាំងវត្តខាងលើត្រូវបានបើដំណើរកាលឡើងវិញហើយ ដោយគ្រាន់តែតម្រូវអោយបិទកុដិចំនួន ២ដែលមានអ្នកឆ្លងកូវីដ១៩ប៉ុណ្ណោះ។
ការអនុញ្ញាតអោយបើកដំណើរការឡើងវិញនេះ បន្ទាប់ពីក្រុមគ្រូពេទ្យបានចុះទៅធ្វើការវាយតម្លៃនៅព្រឹកថ្ងៃទី២៣ ខែកញ្ញា ឆ្នាំ២០២១ ហើយក្រុមការងារក៏សម្រេចចិត្តអោយបើកដំណើរការតាមធម្មតាមកវិញ នៅក្នុងឪកាសបុណ្យភ្ជុំបិណ្ឌនេះ។
ក្នុងនោះដែរ បើតាមប្រភពពីលោក វ៉ាន់ សារ៉េត ចៅសង្កាត់បឹងកក់ទី២ បានអោយដឹងថានិស្សិត ២នាក់ ដែលមានកូវីដ១៩នោះ ត្រូវបានអោយព្យាបាលនៅកុដិ ចំណែកតាអាចារ្យវិញ ត្រូវបញ្ជូនទៅព្យាបាលនៅក្រៅវត្ត៕
