កោះកុង៖ នេះបើយោងតាមការបញ្ជាក់របស់លោកអភិបាលស្រុកស្រែអំបិល នៅថ្ងៃទី២២ ខែកញ្ញា ឆ្នាំ២០២១ បានអោយដឹងថា ចំពោះការធ្វើចរាចរណ៍ ចេញចូលក្នុងភូមិសាស្ត្រឃុំស្រែអំបិល ស្រុកស្រែអំបិល ខេត្តកោះកុង ត្រូវបានបិទជាបណ្តោះអាសន្នសិន ក្រោយមានការរីករាលដាលជំងឺកូវីដ១៩ ប្រភេទ Delta។ កាលផ្អាកចរាចរណ៍នេះ គឺធ្វើឡើងចាប់ពីថ្ងៃទី២២ ខែកញ្ញា ដល់ថ្ងៃទី៥ ខែតុលា ឆ្នាំ២០២១។
ក្នុងនោះដែរ លោកវេជ្ជបណ្ឌិត ហូរ សុខហួន ប្រធានមន្ទីរពេទ្យបង្អែកស្រុកស្រែអំបិល បានបញ្ជាក់នៅថ្ងៃទី២៣ ខែកញ្ញា ឆ្នាំ២០២១នេះ ក្នុងរយៈពេឡ ២ថ្ងៃនេះ គឺបានរកឃើញអ្នកឆ្លងកូវីដប្រភេទ Delta រហូតដល់ទៅ ៣នាក់ ក្នុងនោះមានអ្នកពាក់ព័ន្ធ ចំនួន ១២នាក់ផ្សេងទៀត៕
