យុវតី ៣នាក់ ជិះម៉ូតូឌុបគ្នា ជ្រុលបុកឡានពីក្រោយ បណ្ដាលឲ្យស្លាប់ម្នាក់ និងរបួសធ្ងន់ ២នាក់

ភ្នំពេញ៖ ក្មេងស្រីជិះម៉ូតូ ១គ្រឿងឌុបគ្នា ៣នាក់ បានបុករថយន្តពីក្រោយ បណ្តាលឱ្យស្លាប់ម្នាក់ របួសធ្ងន់ ២នាក់លើផ្លូវជាតិលេខ៧ ក្នុងភូមិដងកាំបិត ខេត្តត្បូងឃ្មុំ កាលពីរសៀលថ្ងៃទី២៩ ខែសីហា។

សមត្ថកិច្ចបានឱ្យដឹងថា ក្មេងស្រីដែលស្លាប់ឈ្មោះ ឈឿន វុទ្ធី អាយុ១៧ឆ្នាំ,ឈ្មោះ រ៉េនស្រីរ័ត្ន អាយុ១៤ឆ្នាំ រងរបួសធ្ងន់,ឈ្មោះ ម៉ឹកស្រីម៉យ អាយុ១៧ឆ្នាំ រងរបួសធ្ងន់។អ្នកទាំង៣រស់នៅភូមិថ្នល់ថ្មី ក្រុងសួង ខេត្តត្បូងឃ្មុំ ។ ក្រុមក្មេងស្រីរងគ្រោះជិះម៉ូតូម៉ាក ហុងដាវ៉េវមួយគ្រឿងគ្មានផ្លាកលេខ
ចំណែករថយន្តម៉ាក ហ៊ីយ៉ាន់ដាយ ពាក់ផ្លាកលេខភ្នំពេញ 2X-0797 អ្នកបើកបរមិនស្គាល់ឈ្មោះ ក្រោយកើតហេតុបានរត់គេចខ្លួនបាត់ ។

បន្ទាប់មកសមត្ថកិច្ចបាន ចុះទៅ យកមធ្យោបាយទាំង២គ្រឿង ទៅរក្សាទុកដើម្បីដោះស្រាយតាមច្បាប់៕