ភ្នំពេញ៖ ម៉ូតូកង់បីបុក ម៉ូតូកំពុងបើកឆ្លងផ្លូវ ហើយកង់បីជ្រុលធ្លាក់ប្រឡាយទឹកស្អុយ រងការខូចខាតសងខាង នៅផ្លូវជាតិលេខ៤ ខណ្ឌពោធិ៍សែនជ័យ កាលពីរសៀលថ្ងៃទី២៦ ខែសីហា។
បើតាមប្រភពព័ត៌មានបានឲ្យដឹងថា មុនកើតហេតុគេបានឃើញ បុរសម្នាក់ជិះម៉ូតូហុងដាឌ្រីមសេ១២៥ តាមបណ្តោយផ្លូវជាតិលេខ៤ ក្នុងទិសដៅពីកើតទៅលិច លុះមកដល់កន្លែងកើតហេតុ ក៏បត់ឆ្លងផ្លូវស្របពេលនោះ ក៏មានម៉ូតូកង់បី មកដល់ជាន់ហ្វ្រាំងមិនទាន់ ក៏ជ្រុលទៅបុកម៉ូតូបណ្តាល ឱ្យរងការខូចខាត ហើយកង់បីបានជ្រុលធ្លាក់ចូល ទៅក្នុងប្រឡាយទឹកស្អុយ តែមិនមានបង្ក គ្រោះថ្នាក់ដល់មនុស្សទេ។
ក្រោយកើតហេតុភាគីទាំងសងខាង បានសម្របសម្រួលគ្នា ដោយព្រមយកទៅជួសជុល រៀងៗខ្លូនក៏បញ្ចប់រឿង ៕
