ភ្នំពេញ៖ ក្រុមក្មេងទំនើង ២ក្រុមមានគ្នា ៥នាក់ ត្រូវបានកម្លាំងនគរបាលព្រហ្មទណ្ឌ នៃអធិការដ្ឋាននគរបាលស្រុកស្នួល ចេញបង្រ្កាប បានភ្លាមៗ ទៅតាមពាក្យបណ្តឹងរបស់ពលរដ្ឋ បន្ទាប់ពីក្រុមជនទាំងនេះជិះម៉ូតូ ៥គ្រឿង ប្រដាប់ដោយដាវនិងកាំបិត ធ្វើសកម្មភាពវាយតប់កាប់ចាក់គ្នា កាលពីយប់ថ្ងៃទី៨ ខែសីហា នៅចំណុចស្ពានឆ្លូង ភូមិសំរ៉ង ឃុំឃ្សឹម ស្រុកស្នួល ខេត្តក្រចេះ ។
ក្រោយការឃាត់ខ្លួនជនសង្ស័យទាំង ៥នាក់ខាងលើ ត្រូវបានឃាត់ខ្លួនបណ្តោះអាសន្ន នៅអធិការដ្ឋាននគរបាលស្រុកស្នួល ដើម្បីកសាងសំណុំរឿង បញ្ជូនទៅការិយាល័យជំនាញ ខេត្តចាត់ការបន្ត តាមនីតិវិធី ៕
