ភ្នំពេញ៖ សមត្ថកិច្ចជំនាញ បានឃាត់ខ្លួនបុរសម្នាក់ និងនារីជាអ្នកលក់អនឡាញម្នាក់ ដកហូតថ្នាំញៀន ៤កញ្ចប់ធំល្មម ។
កាលពីថ្ងៃទី២៣ ខែកក្កដា ឆ្នាំ២០២១ វេលាម៉ោង១២និង៤០នាទី ដោយមានការសម្របសម្រួលពីលោក ឆាយ ហុង ព្រះរាជអាជ្ញារង ការិយាល័យប្រឆាំងគ្រឿងញៀន បង្ក្រាបករណីជួញដូរដោយ ខុសច្បាប់នូវសារធាតុញៀន នៅចំណុចការ៉ាស់សាំងសូគីម៉ិច ផ្លូវសម្តេចជាស៊ីម ភូមិច្រេស សង្កាត់គោកឃ្លាង ខណ្ឌសែនសុខ ឃាត់ខ្លួនជនសង្ស័យ០១នាក់ ឈ្មោះ ហាក់ ឃាង ភេទប្រុស អាយុ៦១ ឆ្នាំ ជនជាតិខ្មែរ មុខរបរ មិនពិតប្រាកដ។ ជាបន្តនៅម៉ោង១៧:១០នាទី សមត្ថកិច្ចជំនាញបានឃាត់ម្នាក់ទៀត នៅចំណុចភូមិអណ្តូង៤ សង្កាត់គោគរកា ខណ្ឌព្រែកព្នៅ ឈ្មោះ លី ស្រីលក្ខ័ ភេទស្រី អាយុ២៥ឆ្នាំ ជនជាតិខ្មែរ មុខរបរលក់ដូរតាមអនឡាញ វត្ថុតាងដកហូតសរុប ក្រាមពណ៌សថ្លាសង្ស័យ ជាសារធាតុញៀនចំនួន ៤កញ្ចប់ថង់ធំល្មម។
បច្ចុប្បន្នសមត្ថកិច្ច កំពុងធ្វើការសាកសួរ និងអនុវត្តបន្តតាមនីតិវិធីច្បាប់ ៕
