ភ្នំពេញ ៖ បុរសម្នាក់ ត្រូវស្លាប់បាត់បង់ជីវិត ក្នុងឧបទ្វហេតុ ក្រឡាប់រថយន្ដធន់ធំ នៅផ្លូវជាតិលេខ១៤២ ស្ថិតក្នុងភូមិព្រៃមៀន ឃុំរស្មីសាមគ្គី ស្រុកឱរ៉ាល់ ខេត្តកំពង់ស្ពឺ។
មន្រ្តីនគរបាលស្រុកឱរ៉ាល់ បានឲ្យដឹងថា មុនពេលកើតហេតុរថយន្តម៉ាកហ៊ីណូ ពណ៌ស ពាក់ផ្លាកលេខកំពង់ស្ពឺ 3A-1878 សណ្តោងរ៉ឺម៉ក ពាក់ផ្លាកលេខ 4A-0140 បើកបរដោយឈ្មោះ ទី សីហា ភេទប្រុស អាយុ៣០ឆ្នាំ រស់នៅភូមិត្រពាំងអត់ទឹក ឃុំគិរីវ័ន្ត ស្រុកភ្នំស្រួច ខេត្តកំពង់ស្ពឺ បើកបរក្នុងទិសដៅពីត្បូងទៅជើង លុះដល់ចំណុចកើតហេតុ ស្រាប់តែរេចង្កូតធ្លាក់ផ្លូវក្រឡាប់ រថយន្តផ្ងាកង់ឡើងលើ បណ្ដាលឲ្យអ្នកបើកបរស្លាប់ នៅនឹងកន្លែងកើតហេតុ និងរថយន្ត ខូចខាតទាំងស្រុង (ធ្ងន់) ។
ក្រោយកើតហេតុសមត្ថកិច្ចបានចុះត្រួតពិនិត្យកន្លែងកើតហេតុ ធ្វើកំណត់ហេតុប្រគល់រថយន្ត និងកំណត់ហេតុប្រគល់សាកសពជូនទៅសាច់ញាតិ យកទៅធ្វើបុណ្យតាមប្រពៃណី ៕
