ភ្នំពេញ៖ កាលពីយប់រំលងអាធ្រាត្រ ឈានចូលថ្ងៃទី២២ ខែកក្កដា ឆ្នាំ២០២១ មានករណីគ្រោះថ្នាក់ចរាចរណ៍រវាងរថយន្ត និងរថយន្តបង្កឡើង ដោយរថយន្តម៉ាក TRAILER ពាក់ស្លាកលេខ ភ.ព 4A-8127 ពណ៌ខៀវ-ស បើកពីកើតទៅលិចបានបុកសត្វក្របីឆ្លងផ្លូវមួយក្បាល បណ្ដាលឲ្យរថយន្តរេចង្កូត ទៅបុករថយន្តមួយទៀត ម៉ាកហ៊ីយ៉ាន់ដាយ ពាក់ស្លាកលេខកំពង់ចាម 3B-0773 ពណ៌ខៀវ អ្នកបើកបរមិនស្គាល់អត្តសញ្ញាណ (រត់គេចខ្លួន) បើកបរពីទិសខាងលិចទៅ ទិសខាងកើតរថយន្ត។
ករណីគ្រោះថ្នាក់ចរាចរណ៍នេះ បណ្តាលអោយរបួសមនុស្សចំនួន ២នាក់ (ស្រាលម្នាក់) និងរថយន្តទាំង ២គ្រឿងបានភ្លើងឆាបឆេះ ព្រមទាំងងាប់ក្របីញីចំនួន ១ក្បាល ។
លោកវរសេនីយ៍ឯក ទេព ពុំសែន អធិការនៃអធិការដ្ឋាននគរបាលស្រុកពួក បានឲ្យដឹងថា មូលហេតុមកពីសត្វក្របីរត់ឆ្លងផ្លូវ និងការបើកបររថយន្តមួយបើកបរ ក្នុងល្បឿនលឿនខ្វះការប្រុងប្រយ័ត្ន។
ក្រោយកើតហេតុ សមត្ថកិច្ចបានអន្តរាគមន៍បញ្ជូន ជនរងគ្រោះទៅសង្រ្គោះបន្ទាន់ នៅមន្ទីរពេទ្យបង្អែក ហើយរថយន្តពន្លត់អគ្គិភ័យស្រុកចំនួន ១គ្រឿង និងរថយន្តពន្លត់អគ្គិភ័យរបស់ ស្នងការដ្ឋានខេត្តចំនួន ១គ្រឿងបានជួយអន្តរាគន៍ពន្លត់ ដោយប្រើប្រាស់ទឹកអស់ចំនួន ៣ឡាន និងបានភ្លើងបានរលត់ទាំងស្រុងនៅម៉ោង ២នឹង៣០នាទី ថ្ងៃខែឆ្នាំដដែល ៕
