ភ្នំពេញ៖ អនុគណៈកម្មការស្រាវជ្រាវជំងឺកូវីដ១៩ បានអំពាវនាវឲ្យអាជីវករលក់ដូរនៅផ្សារច្បារអំពៅ និងប្រជាពលរដ្ឋ ដែលដើរផ្សារច្បារអំពៅជាប្រចាំ ទៅធ្វើតេស្តរកមេរោគកូវីដ១៩ នៅក្នុង សាលាបឋមសិក្សាច្បារអំពៅ ចាប់ពីពេលនេះតទៅ។
ការអំពាវនាវនេះ ធ្វើឡើងក្រោយរកឃើញ ក្រុមសន្តិសុខផ្សារ ៣នាក់ មានវិជ្ជមានកូវីដ១៩ ។ ពាក់ព័ន្ធករណីនេះ គណៈកម្មការគ្រប់គ្រងផ្សារ បានអំពាវនាវដល់បងប្អូនជា អាជីវករលក់ដូរក្នុង និងក្រៅផ្សារទាំងអស់ទៅធ្វើតេស្ដ ។
ជាលទ្ធផលសម្រាប់ការធ្វើតេស្ដ នៅថ្ងៃទី១៣ និងថ្ងៃទី១៤ ខែកក្កដា ឆ្នាំ២០២១ បានរកឃើញអ្នកឆ្លង ចំនួន១៧នាក់បន្ថែមទៀត ក្នុងនោះ ១៣នាក់ ជាអាជីវករលក់ដូរក្នុងផ្សារ និង ៤នាក់លក់ដូរនៅខាងក្រៅផ្សារ។
