មណ្ឌលគិរី ៖ រថយន្ត១គ្រឿងបានជួបឧបេទ្ទវហេតុឆ្លងចរន្តអគ្គិសនីបណ្តាលអោយឆាបឆេះបំផ្លាញទាំងស្រុង ។ ហេតុការណ៍នេះកើតឡើងនៅថ្ងៃទី១៣ ខែមិថុនា ឆ្នាំ២០២១នាវេលាម៉ោង១៣និង០០នាទី នៅចំណុចចន្លោះគីឡូម៉ែត្រលេខ៥២-៥៣ លើកំណត់ផ្លូវជាតិលេខ៧៦A ស្ថិតនៅក្នងភូមិពូហ្យាម ឃុំសែនមនោរម្យ ស្រុកអូររាំង ខេត្តមណ្ឌលគិរី ។
សមត្ថកិច្ចបានឲ្យដឹងថា រថយន្តរងគ្រោះខាងលើម៉ាកសាំងយ៉ុង ពណ៌សំបកឪឡឹក ពាក់ស្លាកលេខកំពង់ស្ពឺ 2B-7280 ធ្វើដំណើរក្នុងទិសដៅពីលិចទៅកើតបើកបរឈ្មោះ អ៊ុល សំភេទ ភេទប្រុស អាយុ២៤ឆ្នាំមានទីលំនៅភូមិ អង្គ ឃុំព្រៃវិហារ ស្រុកគងពិសី ខេត្តកំពង់ស្ពឺ និងអ្នករួមដំណើរមានចំនួន៦នាក់ ក្នុងនោះមានស្រី្តចំនួន០១ម្នាក់ និងបុរសចំនួន០៥នាក់ ។ ករណីខាងលើនេះមិនបណ្តាលឲ្យរងគ្រោះថ្នាក់ដល់មនុស្សឡើយ ។
សម្ភារ:ដែលខូចខាតរួមមាន -រថយន្តខូចខាតទាំងស្រុង ចំនួន០១ គ្រឿង, -អង្ករចំនួន១០បេ, -ស្រាសចំនួន៦កាន និងថ្នាំបាញ់ស្មៅចំនួន៥កេស និងអីវ៉ាន់ចាបហួយមួយចំនួនទៀត។
ក្រោយពីបានទទួលព័ត៌មានពីប្រជាពលរដ្ឋភ្លាម កម្លាំងអធិដ្ឋាននគរបាលស្រុកអូររាំងបានបញ្ចេញរថយន្តសង្គ្រោះអគ្គីភ័យធ្វើការបាញ់ពន្លត់ដោយប្រើប្រាស់ទឹកអស់១រថយន្ត ៕
