ភ្នំពេញ៖ ហេតុការណ៍គ្រោះថ្នាក់ចរាចរណ៍ បង្ករដោយ រថយន្តពីរគ្រឿង ព្រលះគ្នាទាំងព្រឹកព្រលឹម បណ្ដាលឱ្យមនុស្ស២នាក់ រងរបួសធ្ងន់ស្រាល និងខូចខាតរថយន្ដចំនួនពីរគ្រឿង។
ហេតុការណ៍នេះ បានកើតឡើង នៅលើកំណាត់ផ្លូវជាតិលេខ ៥ ចន្លោះបង្គោលគីឡូម៉ែត្រ 86.87 ត្រង់ចំណុចមុខសួនច្បារឆ្នាំងមាស ស្ថិតនៅភូមិទួលក្រលាញ់សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់
ឆ្នាំង។
ករណីគ្រោះថ្នាក់ចរាចរណ៍រមួយនេះបានកើតឡើង វាងរថយន្តម៉ាក lexus330 ពណ៌សគ្មាន(ពាក់ផ្លាកលេខ) បើកបរឈ្មោះ គង់ សុជាតិ ភេទប្រុស អាយុ 39 ឆ្នាំសញ្ជាតិខ្មែរ មុខរបរកសិករ មានទីលំនៅបច្ចុប្បន្ន រស់នៅភូមិបំបុិត ឃុំអន្លង់ត្នោត ស្រុកក្រគរ ខេត្តពោធិ៍សាត់ បើកបរពីត្បូងទៅជើង បានបុកនិងរថយន្ត ម៉ាកហ៊ីយ៉ាន់ដាយ ពណ៌ស ពាក់ផ្លាកលេខ ភ្នំពេញ 3C.1059.បើកបរដោយឈ្មោះ ឆៃ ឈុំ ភេទប្រុស អាយុ27 មុខរបរបើកបរ រស់នៅបច្ចុប្បន្ន ភូមិកំពង់បាស្រូវ ឃុំជលសាស្រុកជលគិរីខេត្តកំពង់ឆ្នាំង បើកបរ
ពីជើងទៅត្បូង។
បើយោងតាមការបញ្ជាក់ពីលោក ហង្ស ប៊ុនហាក់ អធិការង នគរបាលក្រុងកំពង់ឆ្នាំងបានដឹងថា គ្រោះថ្នាក់ ខាងលើនេះ គឺកត្តាមកពីរថយន្តទាំងពីរ ធ្វើដំណើរច្រាសទិសគ្នា មកដល់កន្លែងកើតហេតុ រថយន្តលុច្សស៊ីស បើកក្នុងល្បឿនលឿន ហើយក៏រេចង្កូតមកបុករថយន្តធំ តែម្តង។
ហេតុការណ៍នេះបង្កឲ្យមាន របួសមនុស្សពីរធ្ងន់និងស្រាល និងនឹងបង្កឲ្យខូច ខាតរថយន្តចំនួន ២គ្រឿង ។
ក្រោយពីកើតហេតុ ជនរងគ្រោះត្រូវបានបញ្ជូនទៅមន្ទីរ ពេទ្យបង្អែកខេត្តកំពង់ឆ្នាំង ដើម្បីជួយសង្គ្រោះជាបន្ទាន់ ផងដែរ។ ចំណែករថយន្តទាំងពីរគ្រឿង ខាងលើត្រូវបានកម្លាំងសមត្ថកិច្ច នគរបាលក្រុង យកទៅរក្សាទុក នៅការិយាល័យចរាចរណ៍ផ្លូវគោក នៃស្នងការគរបាលខេត្តកំពង់ឆ្នាំង ដើម្បីកសាងសំណុំ រឿងចាត់ការតាម នីតិវិធីនៅពេលក្រោយ៕
