ភ្នំពេញ៖ គ្រោះថ្នាក់ចរាចរណ៍មួយ ដោយមានរថយន្តកូរេមូយគ្រឿង រអិលថយក្រោយក៏កិនក្មេងប្រុសម្នាក់ស្លាប់ នៅក្នុងភូមិពូហ្យាម ឃុំសែនមនោរម្យ ស្រុកអូររាំង ខេត្តមណ្ឌលគិរី កាលពីរសៀលថ្ងៃទី២ ខែមិថុនា ឆ្នាំ២០២១។
រថយន្តបង្កម៉ាកហីយ៉ាន់ដាយ ពាក់ផ្លាកលេខភ្នំពេញ 3-F3371 អ្នកបើកបររថយន្តឈ្មោះ កែម សុផា ភេទប្រុស អាយុ១៨ឆ្នាំ នៅភូមិពន្ធជា ឃុំអូរគ្រៀង ស្រុកសំបូរ ខេត្តក្រចេះ។ អ្នករួមដំណើរម្នាក់ឈ្មោះ ញិល សង់ ភេទប្រុស អាយុ៣០ឆ្នាំ នៅភូមិមុសក្រាស់ ឃុំ/ស្រុកមេមត់ខេត្កំពង់ចាម។
មូលហេតុដោយអ្នកបើកបរ ខ្វះការប្រុងប្រយ័ត្ន ដោយរថយន្តរអិលថយក្រោយបណ្តាល ឱ្យកិនក្មេងប្រុសម្នាក់ដែលកំពុងដេក ក្នុងអង្រឹងមុខផ្ទះស្លាប់ភ្លាមៗ។ ក្មេងរងគ្រោះឈ្មោះ សឿន កក្ដដា ភេទប្រុស អាយុ១៥ខែ ។ បច្ចុប្បន្នជនបង្ក និងរថយន្តត្រូវបានកម្លាំង សមត្ថកិច្ចស្រុកអូររាំងបាន ចាប់ខ្លួននិងកសាងសំណុំរឿងតាមនិតិវិធី ៕
