ភ្នំពេញ៖ បុរសម្នាក់ជិះម៉ូតូស៊ែរ Location ទាន់កំពុងជិញនៅក្នុងរថយន្តជាមួយជនជាតិចិន ផ្ទុះកំហឹងកាក់រថយន្ត ដោះមួកសុវត្ថិភាព វាយបំបែកកញ្ចក់រថយន្ត ព្រោះតែឃើញបុរសចិន ប៉ះថ្ពាល់កូដណ្ដឹងរបស់ខ្លួន ។ ហេតុការណ៍នេះ បានបង្កការភ្ញាក់ផ្អើល កាលពីយប់ថ្ងៃទី២ ខែមិថុនា ឆ្នាំ២០២១ នៅតាមបណ្តោយផ្លូវលេខ៤៣២ កែងផ្លូវលេខ៩៩ ស្ថិតនៅក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ។
បើតាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកើតហេតុ គេឃើញបុរសជាជនជាតិចិនម្នាក់ និងនារីជាជនជាតិខ្មែរម្នាក់ បានជិះរថយន្តមួយគ្រឿងម៉ាកកាមរីឆ្លាម ពណ៌ខ្មៅ ធ្វើដំណើរតាមបណ្ដោយផ្លូវ៤៣២ ក្នុងទិសដៅពីលិចទៅកើត។ ស្របពេលគ្នានោះដែរ ក៏មានម៉ូតូមួយគ្រឿងទៀតម៉ាក YAMAHA QBIX ដែលជិះដោយបុរសម្នាក់ បានដេញតាមពីក្រោយរថយន្តមួយគ្រឿងនោះផងដែរ ។ លុះមកដល់ត្រង់ចំណុចកើតហេតុខាងលើ ម៉ូតូមួយគ្រឿងនោះក៏បានបើក ទៅឈប់ស្ទាក់ពីមុខរថយន្ត ហើយបុរសជាបើកបរម៉ូតូក៏បានចុះពីលើម៉ូតូ ដោះមួកសុវត្ថិភាពយកទៅវាយបំបែកកញ្ចក់ រថយន្តផ្នែកខាងមុខ និងចំហៀងខាងឆ្វេងរងខូចខាត ថែមទាំងបានឡើងទៅអង្គុយ លើដំបូលរថយន្តទៀតផង។ ភ្លាមៗនោះនារីម្នាក់ដែលរួមដំណើរជាមួយជនជាតិចិន ក៏បានចេញមកខាងក្រៅ និងបានជជែកគ្នាជាមួយនឹងបុរសជាបើកបរម៉ូតូយ៉ាងតឹងសរសៃក ដោយមិនដឹងថា មានរឿងអ្វីជាមួយនឹងគ្នានោះទេ រហូតបង្កឲ្យមានការភ្ញាក់ផ្អើលដល់សមត្ថកិច្ចមូលដ្ឋាន ចុះមកធ្វើការអន្តរាគមន៍ភ្លាមៗតែម្ដង។
បើបុរសដែលជាអ្នកជិះម៉ូតូ បានបញ្ជាក់ថា គេជាគូរដណ្តឹង ដែលបានភ្ជាប់ពាក្យ ៣ឆ្នាំមកហើយ គេចេះតែមានការសង្ស័យ និងប្រច័ណ្ឌ គេក៏តាមសួរនិងចង់ជួប រហូតខាងគូរដណ្តឹង បានផ្ញើរ Location ឲ្យគេក៏បានតាមរហូតរកឃើញ នឹងទាន់ផ្ទាល់ភ្នែក ឃើញបុរសនោះកំពុង លូកដៃរក្តិចថ្ពាល់ គូរដណ្តឹងរបស់ខ្លួន ក៏កើតជាការប្រច័ណ្ឌ ខឹងបង្ករជាហិង្សារបែបនេះតែម្តងទៅ ។
ក្រោយពេលកើតហេតុ សមត្ថកិច្ចមូលដ្ឋានក៏បាន ជួយសម្របសម្រួល រហូតបញ្ចប់រឿង ទៅផ្ទះរៀងៗខ្លួន ៕
