ភ្នំពេញ៖ តុលាការរាជធានីភ្នំពេញ កាលពីរសៀលថ្ងៃទី២៥ ខែឧសភា ឆ្នាំ២០២១ បានសម្រេច ឃុំខ្លួនជនសង្ស័យម្នាក់ ជាឪពុកចុងករណីរំលោភ និងគំរាមសម្លាប់កូនស្រី ដើមអាយុ១២ឆ្នាំ ក្នុងបន្ទប់ជួល ក្នុងខណ្ឌកំបូល។
សមត្ថកិច្ចបានប្រាប់ឱ្យដឹងថា ជនសង្ស័យ អាយុ៤៥ឆ្នាំ រស់នៅខណ្ឌកំបូល ត្រូវចាប់ខ្លួន កាលពីរសៀលថ្ងៃទី២២ ខែឧសភា ឆ្នាំ២០២១ ដែលមានការអនុញ្ញាត ពីលោកសាយណូរ៉ា ព្រះរាជអាជ្ញារង អមសាលាដំបូងរាជធានីភ្នំពេញ ។
លោក វរសេនីយ៍ទោ ឈឹម សាវុធ អធិការរងខណ្ឌកំបូល ឱ្យដឹងថា ក្មេងស្រីរងគ្រោះ អាយុ១២ឆ្នាំ ជាសិស្ស ក្រោយពីឪពុកម្តាយលែងលះគ្នា ក៏បានទៅរស់នៅជាមួយ ជីដូននៅខេត្តតាកែវ។ បន្ទាប់មកជីដូន បានស្លាប់ ក៏មករស់នៅជាមួយម្តាយបង្កើត និងឪពុកចុង ដែលជាជនសង្ស័យ នៅខណ្ឌកំបូល ក្នុងអំឡុងដើមឆ្នាំ២០២០។
ក្រោយពីធ្វើសកម្មភាពនោះហើយ គំរាមក្មេងស្រី រងគ្រោះ មិនឱ្យប្រាប់រឿងនេះ ដល់ម្តាយបង្កើតឡើយ។ សកម្មភាពនេះនៅ តែបន្តធ្វើទៅលើក្មេង ស្រីរងគ្រោះ បន្តបន្ទាប់រហូត១០ដង នៅរាល់ពេល ម្តាយបង្កើត ក្មេងស្រី រងគ្រោះមិននៅផ្ទះ ។
គួរបញ្ជាក់ថា រឿងនេះបាន បែកការណ៍ក្រោយពី ក្មេងរងគ្រោះ ទៅលេងផ្ទះម្តាយមីង នៅខេត្តតាកែវ ដោយនាងបានប្រាប់ អំពីទង្វើរបស់ឪពុកចុង ធ្វើមកលើនាង។ បន្ទាប់មកម្តាយមីង ក៏បានទូរស័ព្ទ ប្រាប់ឳពុកបង្កើត ក្មេងស្រីរងគ្រោះ ពីរឿងរ៉ាវទាំងនេះ និងដឹកក្មេងស្រីរងគ្រោះ មកដាក់ពាក្យប្តឹង ជនសង្ស័យ ជាឪពុកចុង នៅប៉ុស្តិ៍នគរបាល រដ្ឋបាលសង្កាត់កន្ទោក ខណ្ឌកំបូល និងមានការបញ្ជាក់គ្រូពេទ្យ នៅមន្ទីរពេទ្យ បង្អែកភ្នំពេញ ថាក្មេងស្រីរងគ្រោះពិ តជារងការបំពានផ្លូវភេទមែន៕
