ភ្នំពេញ៖ លោកវរសេនីយ៍ឯក ឈឿង គឹមសុង នាយការិយាល័យនគរបាល ព្រហ្មទណ្ឌកម្រិតស្រាល បានដឹកនាំក្រុមអន្តរាគមន៍ បង្ការ បង្ក្រាប សហការជាមួយកម្លាំងការិយាល័យ នគរបាលព្រហ្មទណ្ឌកម្រិតធ្ងន់ ដែលដឹកនាំដោយលោកវរសេនីយ៍ទោ វ៉ាន់ តារ៉ា នាយរងការិយាល័យបានចុះប្រតិបត្តិការបង្ក្រាបករណី អំពេីលួចមានស្ថានទម្ងន់ទោស (គាស់សោរទ្វារថយន្តលួចយកទ្រព្យសម្បត្តិ) ១ករណី និងបានធ្វេីការនាំខ្លួនជនសង្ស័យ ១នាក់ ឈ្មោះ ចឹក បូរ៉ា ភេទប្រុស អាយុ ២១ ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង មកកាន់ស្នងការដ្ឋានដេីម្បីស្រាវជ្រាវ ។
ប្រតិបត្តិការនេះធ្វើឡើង កាលពីថ្ងៃទី២៧ ខែមេសា ឆ្នាំ២០២១ វេលាម៉ោង ១២និង១៥នាទី នៅចំណុចបន្ទប់ជួល ស្ថិតក្នុងភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង ។
ប្រតិបត្តិការនេះដែរ គឺអនុវត្តន៍តាមការណែនាំបញ្ជាផ្ទាល់ ពីលោកឧត្ដមសេនីយ៍ទោ សាត គឹមសាន ស្នងការនគរបាលខេត្តបាត់ដំបង ក៏ដូចយោបល់របស់ លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ និងដោយបានការសម្របសម្រួលលើនីតិវិធីពី ឯកឧត្តម គឺ ប៊ុណ្ណារ៉ា ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង។
សូមជម្រាបជូនថា កាលពីថ្ងៃទី ២៦ ខែ មេសា ឆ្នាំ ២០២១ វេលាម៉ោង ០២និង៣២ នាទី រំលងអាធ្រាត្រ នៅចំណុចភូមិព្រែកមហាទេព សង្កាត់ ស្វាយប៉ោ ក្រុងបាត់ដំបង ខេត្តបាត់ដំបង ជនសង្ស័យខាងលេីបានធ្វេីសកម្មភាព គាស់សោរទ្វារថយន្ត ដែលម្ចាស់ចតទុកនៅខាងក្រៅផ្ទះលួចយកទ្រព្យសម្បត្តិ របស់ជនរងគ្រោះឈ្មោះ ពេជ្រ សុវណ្ណឆាយឌី ភេទ ប្រុស អាយុ ៣៨ ឆ្នាំ មានទីលំនៅនាទីកន្លែងកើតហេតុខាងលើ ។
សម្ភារៈបាត់បង់រួមមាន៖ អត្តសញ្ញាណបណ្ណសញ្ជាតិខ្មែរ ០១ សន្លឹក, បណ្ណបេីកបរ ០១ សន្លឹក, បណ្ណសម្គាល់យានយន្ត ០២ សន្លឹក, កាត ATM ០៣ សន្លឹក, រូបចម្លាក់ ព្រះអង្គ ចំនួន ០៣, កូនកាបូប ចំនួន ០២ ។
នៅក្រោយពេលកេីតហេតុ ជនរងគ្រោះបានដាក់ពាក្យបណ្តឹង ចូលមកសមត្ថកិច្ចនគរបាល និងឆ្លងតាមរៈការស្រាវជ្រាវទេីបកំណត់បានពីមុខសញ្ញានេះ រហូតឈានដល់ការនាំខ្លួនមកសាកសួរ។ ក្រោយពីបានសារភាពទទួលស្គាល់ នូវសកម្មភាពល្មេីសរបស់ខ្លួនរួចមក បច្ចុប្បន្នការិយាល័យជំនាញ បានកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបង ចាត់ការបន្តតាមនីតិវិធី ៕
