ភ្នំពេញ៖ កម្លាំងអន្តរាគមន៍ខណ្ឌមានជ័យ បានឃាត់ខ្លួនបុរសម្នាក់ ក្រោយចេញធ្វើសកម្មភាពទាក់សត្វឆ្កែ របស់ប្រជាពលរដ្ឋទាំងកណ្ដាលយប់ ។ ករណីឃាត់ខ្លួននេះ ធ្វើឡើងកាលពីម៉ោង១ រំលងអធ្រាត្រឈានចូលថ្ងៃទី២៧ ខែមេសា ឆ្នាំ២០២១ នៅភូមិ ៥ ក្បែរស្ពានអាកាសស្ទឹងមានជ័យ ស្ថិតនៅក្នុងសង្កាត់ស្ទឹងមានជ័យ២ ខណ្ឌមានជ័យ ។
បើតាមសមត្ថកិច្ចបានឲ្យដឹងថា ពេលឆែកខ្លួនជនសង្ស័យ រកឃើញដែកមួយដើមជាប្រភេទដែកសរសៃ ដែលជនសង្ស័យប្រើប្រាស់ សម្រាប់វាយសត្វឆ្កែ ។
បន្ទាប់ពីកើតហេតុ សមត្ថកិច្ចបានបញ្ជូនជនសង្ស័យ ទៅប៉ុស្តិ៍នគរបាលរដ្ឋបាលស្ទឹងមានជ័យ២ ដើម្បីសាកសួរ និងចាត់ការបន្តតាមនីតិវិធី ៕
