ភ្នំពេញ ៖ បុរសល្មោភកាម ម្នាក់ ត្រូវកម្លាំងអធិការដ្ឋាន នគរបាលស្រុកបាណន់ ធ្វើការឃាត់ខ្លួន កាលពីថ្ងៃទី៣០ ខែមីនា ឆ្នាំ២០២១ ពាក់ព័ន្ធករណីរំលោភសេពសន្ថវៈ លើអនីតិជនអាយុ១០ឆ្នាំមួយ កើតឡើង នៅត្រង់ចំណុចបឹងអន្លក់ ភូមិ…ឃុំស្នឹង ស្រុកបាណន់។
ជនសង្ស័យឈ្មោះ ម៉ៃ ម៉ាត់ ភេទប្រុស អាយុ ៣៩ឆ្នាំ រស់នៅភូមិស្នឹងកើត ឃុំស្នឹង ស្រុកបាណន់ បានចាប់រំលោភសេពសន្ថវៈលើក្មេងស្រីឈ្មោះ រ.ស.ច.ខ.រ អាយុ ១០ឆ្នាំ មានទីលំនៅភូមិឃុំខាងលើ ក្នុងពេលដែលជនសង្ស័យជិះកង់ឌុប ជនរងគ្រោះ ទៅដោះត្រីមង នៅទីតាំងកើតហេតុខាងលើ។
តាមចំលើយ របស់ក្មេងស្រីរងគ្រោះ បានបញ្ជាក់អោយដឹងថា ជនសង្ស័យបានចាប់រំលោភខ្លួន ចំនួន០៣ដងរួចមកហើយ ដោយគំរាមមិនអោយប្រាប់អ្នកដទៃ។
ករណីនេះ ជនសង្ស័យត្រូវបានសមត្ថកិច្ច កសាងសំណុំរឿង បញ្ជូនទៅសាលាដំបូងខេត្ត ដើម្បីផ្តន្ទាទោសតាមច្បាប់ ៕
