ភ្នំពេញ៖ តាចាស់វ័យ ៧៤ឆ្នាំទៅហើយ មិនព្រមរកធម៌អាទេ បែរចាប់រំលោភក្មេងស្រីអាយុ ១២ឆ្នាំម្នាក់ បានសម្រេចរហូតដល់ទៅ ៦លើក ទើបបែកការណ៍ ដឹងដល់ម្ដាងក្មេងស្រីរងគ្រោះ ប្ដឹងសមត្ថកិច្ចចាប់តាចាស់រូបនេះតែម្ដង ។ ករណីឃាត់ខ្លួនតាចាស់ល្មោភកាមនេះ ធ្វើឡើងកាលពីថ្ងៃទី២១ ខែមីនា ឆ្នាំ២០២១ ។
ជនសង្ស័យជា តាចាស់ល្មោភកាមមានឈ្មោះ ម៉ៃ មៀន អាយុ៧៤ឆ្នាំ រស់នៅឃុំចារឈូក ស្រុកអង្គរជុំ ខេត្តសៀមរាប ។ រីឯក្មេងស្រីរងគ្រោះមានអាយុ ១២ឆ្នាំ ។
នៅចំពោះមុខសមត្ថកិច្ច ជនសង្ស័យ បានឆ្លើយសារភាពថា ខ្លួនពិតជាធ្លាប់បានរួមភេទ ជាមួយក្មេងរងគ្រោះពិតប្រាកដមែន គឺតាំងពីរយៈពេល ២ខែមុនមកម្ល៉េះ ពោលគឺបានសម្រេចដល់ទៅ ៦ដងហើយ ។
បច្ចុប្បន្ន កម្លាំងនគរបាលស្រុកអង្គរជុំ បានកសាងសំណុំរឿង បញ្ជូនជនសង្ស័យខាងលើទៅកាន់តុលាការ ដើម្បីចាត់ការតាមច្បាប់ ៕
