ភ្នំពេញ៖ ស្ត្រីជាអាជីវករលក់ដូរពេលយប់ នៅជាប់ពេទ្យធ្មេញចាក់អង្រែ ក្នុងទឹកដីសង្កាត់ចាក់អង្រែក្រោម ខណ្ឌមានជ័យ ក្រោយពេលឈប់លក់ តែងតែបោសកាកសំណល់ទម្លាក់ចូលក្នុងលូ ។ នេះបើតាមការបញ្ជាក់ពីលោកឧត្ដមសេនីយ៍ ទី ចំរើនកុសល ។
ទាក់ទិនករណីនេះដែលលោកឧត្ដមសេនីយ៍ ទី ចំរើនកុសល ក៏បានស្នើសុំដល់សាលារាជធានីភ្នំពេញ មេត្តាមានវិធានការចំពោះបុគ្គលម្នាក់ នេះជាបន្ទាន់ទាន់ផងដែរ ។
លោកឧត្ដមសេនីយ៍ ទី ចំរើនកុសល បានសរសេរលើហ្វេសប៊ុក នៅថ្ងៃទី២២ មីនានេះថា «សកម្មភាពបែបនេះគឺមានជារាងរាល់យប់ ក្រោយពីឈប់លក់ស្ត្រីម្នាក់នេះ តែងតែបោសកាកសំណល់ ទម្លាក់ចូលក្នុងលូខាងមុខនេះ។ ស្នើសុំដល់សាលារាជធានីភ្នំពេញ មេត្តាមានវិធានការចំពោះបុគ្គលម្នាក់នេះ ជាបន្ទាន់ទាន់។ សកម្មភាពនេះកើតឡើង កាលពីយប់ថ្ងៃទី២១-០៣-២០២១ នៅជាប់ពេទ្យធ្មេញចក្រអង្រែ ក្នុងទឹកដីសង្កាត់ចាក់អង្រែក្រោម ខណ្ឌមានជ័យ» ៕
ក្រោយទទួលបានព័ត៌មាននេះភ្លាម លោក ឌី រ័ត្នខេមរុណ អភិបាលរងខណ្ឌមានជ័យ នៅព្រឹកថ្ងៃទី២២ ខែមិនា ឆ្នាំ២០២១នេះ បានចុះទៅណែនាំបុគ្គល ២នាក់ ដែលប្រព្រឹត្តិ ឲ្យធ្វើកិច្ចសន្យាឲ្យបញ្ឈប់សកម្មភាពមិនល្អតទៅទៀត ។
សូមបញ្ជាក់ថា អ្នកលក់បាយឆា មីឆា២នាក់ បងប្អូនខាងលើ មានឈ្មោះ លី សារ៉េត ភេទស្រី អាយុ២៧ឆ្នាំ និងម្នាក់ទៀតជា ប្អូនបង្កើតមានឈ្មោះ លី មៃឃ័រ អាយុ២៤ឆ្នាំ ។ អ្នកទាំង២ស្នាក់នៅផ្ទះជួលម្តុំកន្លែងលក់របស់ពួកគេ ដែលស្ថិតនៅតាមបណ្តោយផ្លូវជាតិលេខ២ ក្បែរស្តុបវត្តចាក់អង្រែក្រោម ក្នុងសង្កាត់ចាក់អង្រែក្រោម ខណ្ឌមានជ័យ ៕
