ភ្នំពេញ៖ កម្លាំងនគរបាលខេត្តព្រៃវែង បានឃាត់ខ្លួនជនសង្ស័យម្នាក់ យកឈើជ្រុងវាយគ្រូបង្រៀនជាច្រើនព្រនង់ បណ្តាលឲ្យស្លាប់ភ្លាមៗ កាលពីថ្ងៃទី១០ ខែមីនា ឆ្នាំ២០២១ វេលាម៉ោង២០និង២៨នាទី នៅចំណុចលើផ្លូវលំស្ថិតក្នុងភូមិឆ្វាង ឃុំប្រធាតុ ស្រុកកំពង់ត្របែក ខេត្តព្រៃវែង។
តាមរបាយការណ៍បានឲ្យដឹងថា ជនសង្ស័យឈ្មោះ ឃឹម.ខឿន (ហៅក្រឡិច) ភេទប្រុស អាយុ22ឆ្នាំ ភូមិត្រម៉ុត ឃុំប្រធាតុ ស្រុកកំពង់ត្របែក បានយកកំណាត់ឈើជ្រុងធ្វើសកម្មភាព ដេញវាយទៅលើជនរងគ្រោះឈ្មោះ សេក.ម៉ានី.ភេទប្រុស អាយុ30ឆ្នាំ ជាគ្រូបង្រៀន នៅភូមិ ឃុំ ជាមួយគ្នា វាយជាច្រើនព្រនង់ត្រូវចំក្បាល និងដៃខាងឆ្វេងបណ្ដាលអោយ ជនរងគ្រោះស្លាប់នៅកន្លែងកើតហេតុ ។
មូលហេតុ: មានគំនុំនឹងគ្នា។ វត្ថុតាងចាប់យកបានមាន៖ កំណាត់ឈើជ្រុង ១ កំណាត់ប្រវែង120ស.ម2 ក្រម៉ាចំនួន១ ។
ក្រោយពេលកើតហេតុកម្លាំងសមត្ថកិច្ច បានធ្វើការស្រាវជ្រាវ និងឃាត់ខ្លួនជនសង្ស័យឈ្មោះ ឃឹម.ខឿន យកមកអធិការដ្ឋាន នគរបាលស្រុកកំពង់ត្របែក ដើម្បីកសាងសំណុំរឿងតាមនីតិវិធី ៕
