សល់ត្រឹមភាពសោកសៅ ដល់គ្រួសារ! សិស្សសាលាប្រុសស្រី ជិះម៉ូតូលឿនជ្រុល ទៅបុកកាងរថយន្តធំ ដួលស្លាប់ទាំងពីរនាក់

ភ្នំពេញ៖ម៉ូតូមួយគ្រឿងម៉ាក់ហុដា Zoomer.Xជិះឌុបគ្នាប្រុសស្រី២នាក់ បើកបរក្នុងល្បឿនលឿន បានជ្រុលទៅបុកកាងរថយន្តធំ ពេលបត់ឆ្លងផ្លូវបណ្តាលឱ្យដួលស្លាប់ទាំងពីរនាក់។

ហេតុការណ៍នេះបានកើតឡើងនៅផ្លូវជាតិលេខ១ក្នុងភូមិស្លាបតាអោន ឃុំគគីរ ស្រុកកៀនស្វាយ ខេត្តកណ្តាលកាលពីវេលាថ្ងៃត្រង់ថ្ងៃទី១០ ខែមីនា ឆ្នាំ២០២១។

មន្ត្រីនគរបាលបានឱ្យដឹងថា មុនកើតហេតុ មានម៉ូតូមួយគ្រឿងម៉ាក់ហុងដា Zoomer.X ពាក់ផ្លាកលេខ ភ្នំពេញ 1GO-3516បើកបរដោយឈ្មោះ យ៉ាវ រដ្ឋា ភេទប្រុស អាយុ ១៩ នៅភូមិដក់ពរ ឃុំស្វាយធំ ស្រុកស្វាយជ្រុំ ខេត្តស្វាយរៀងបានស្លាប់។

អ្នករួមដំណើរ ឈ្មោះ ផាត ស្រីយ៉ា ភេទស្រី អាយុ ១៧ឆ្នាំ នៅភូមិអំពៅព្រៃ ឃុំចំបក់ ស្រុកស្វាយជ្រុំ ខេត្តស្វាយរៀងបានស្លាប់។ម៉ូតូបានជ្រុលបុកកាងក្រោយ រថយន្តម៉ាកហីណួ ប្រភេទក្បាលសណ្តោង ពាក់ផ្លាកលេខ ភ្នំពេញ 3C-8853 សណ្តោងសឺមីរ៉ឺម៉កផ្លាកលេខ ភ្នំពេញ 4A-1593អ្នកបើកបរមិនស្គាល់អត្តសញ្ញាណ បានរត់គេចខ្លួន ៕