ភ្នំពេញ៖ បុរសម្នាក់ និយាយតថ្លៃជាមួយ នារីរកស៊ីផ្លូវភេទម្នាក់ក្នុងតម្លៃ ១៥ដុល្លារ រួចឌុបទៅដេកផ្ទះសំណាក់ មិនទាន់បានធ្វើអីអីផង ស្រាប់តែនាងទារលុយមុន រួចលួចយកទូរស័ព្ទដៃមួយគ្រឿង ដោយប្រាប់ថា «ខ្ចី ចុះទៅទិញស្រោមអនាម័យមួយភ្លែត» គេចខ្លួនបាត់ស្រមោលតែម្តង ។
ហេតុការណ៍នេះ បានបង្កការភ្ញាក់ផ្អើលកាលពីម៉ោង ១១យប់ ថ្ងៃទី២ ខែមីនា ឆ្នាំ២០២១ នៅចំណុចផ្ទះសំណាក់យីហោ «បេ9» នៅចំណុចមុខវិហារអ៊ីស្លាមបឹងកក់ ស្ថិតក្នុងសង្កាត់ស្រះចក ខណ្ឌដូនពេញ ។
បើតាមបុរសជនរងគ្រោះ បានរៀបរាប់ថា មុនកើតហេតុ រូបគាត់បានជិះម៉ូតូដើរលេង រួចក៏បានទៅម្តុំវត្តភ្នំ តថ្លៃនារីរកស៊ីផ្លូវភេទម្នាក់ យកមករួមមេត្រីក្នុងតម្លៃ ១៥ដុល្លារ ។ ពេលដែលចរចាគ្នាត្រូវរ៉ូវជាមួយនារីជាជនសង្ស័យមិនស្គាល់អត្តសញ្ញាណខាងលើនោះរួចហើយ រូបគាត់ក៏បានឌុបនាងដើរលេង រួចបាវញ៉ាំគុយទាវ និងទឹកកាឡុក បន្ទាប់មកក៏បន្តនាំនាងទៅគេងនៅផ្ទះសំណាក់ កន្លែងកើតហេតុខាងលើ ។ លុះពេលទៅដល់ផ្ទះសំណាក់នោះ នាងបានទារលុយថ្លៃសេវាមុន ហើយរូបគាត់ក៏ឱ្យ និងបានចូលទៅងូតទឹកក្នុងបន្ទប់ទឹក ដោយទុកទូរស័ព្ទដៃមួយគ្រឿងម៉ាក HAUWEI មិនចាំស៊េរី នៅលើតុ ។ ខណៈពេលនោះ នារីជាជនសង្ស័យរូបនេះក៏ឆ្លៀតឱកាស ពេលគាត់កំពុងតែងូតទឹក នាងក៏បានលួចយកទូរស័ព្ទដៃរបស់គាត់ ហើយបើកទ្វារចេញ និងបានប្រាប់គាត់ថា «ខ្ចីចុះទៅទិញស្រោមអនាម័យមួយភ្លែត» ដោយទុកចិត្តគាត់ក៏ឱ្យទៅ ស្រាប់តែមិនឃើញត្រលប់មកវិញទេ ទើបគាត់ដឹងខ្លួនថា ចាញ់បោក ទើបបង្កឱ្យមានការភ្ញាក់ផ្អើលពេញផ្ទះសំណាក់តែម្តង ។
ក្រោយពេលកើត បុរសរងគ្រោះខាងលើ បានទៅដាក់ពាក្យបណ្ដឹង នៅប៉ុស្តិ៍នគរបាលរដ្ឋបាលស្រះចក ៕
