ភ្នំពេញ៖ កម្លាំងអន្តរាគមន៍ឈរជើង តាមខ្សែបន្ទាត់ព្រំដែន ក្នុងស្រុកសំពៅលូន ត្រង់ចំណុច ប៉ុស្តិ៍នគរបាលការពារព្រំដែនគោកលេខ៨១៧ (គីឡូ៩) នៅថ្ងៃទី២៤ ខែកុម្ភៈ ឆ្នាំ២០២១ បានឃាត់ខ្លួន ពលករខ្មែរឆ្លងដែនមកពី ប្រទេសថៃចំនួន៧នាក់ (ស្រី ២នាក់ រួមទាំងក្មេងប្រុសម្នាក់) ដែលគេចវេះមិនព្រមចូលធ្វើចត្តាឡីស័ក ស្ថិតនៅភូមិរស្មី ឃុំជ្រៃសីម៉ា ស្រុកសំពៅលូន ខេត្ត បាត់ដំបង ។
សមត្ថកិច្ចបានឲ្យដឹងថា ពលករទាំង ៧នាក់ ត្រូវសមត្ថកិច្ចចម្រុះដឹកតាមរថយន្តតូយ៉ូតា ១បាំង បញ្ជូនទៅមណ្ឌលចត្តាឡីស័ក ស្រុកសំពៅលូន ៕
