ភ្នំពេញ៖ នៅថ្ងៃទី១៥ ខែកុម្ភៈ ឆ្នាំ២០២១ វេលម៉ោង ១៦:៣០នាទី នៅចំណុចផ្លូវបំបែកជាបួនលើផ្លូវជាតិលេខ០៣ ស្ថិតក្នុងភូមិអង្គតាសោម ឃុំអង្គតាសោម ស្រុកត្រាំកក់ ខេត្តតាកែវ មានករណីអគ្គីភ័យឆេះរថយន្ត មួយគ្រឿងម៉ាកតូយ៉ូតាហាយឡែនឌ័រ ពណ៌ខ្មៅពាក់ផ្លាកលេខភ្នំពេញ ២AS.៣៤៨០ ដែលជាកម្មសិទ្ធិរបស់ឈ្មោះ មាឃ ស៊ុន ភេទប្រុស អាយុ ៥៧ឆ្នាំ មុខរបរកសិករ នៅភូមិត្រពាំងថ្ម ឃុំគុស ស្រុកត្រាំកក់ ខេត្តតាកែវ រងការខូចខាតធ្ងន់ ។
ចំពោះមូលហេតុ គឺបណ្តាលមកពីឆ្លងខ្សែភ្លើងអាគុយ បណ្តាលឲ្យមានអណ្តាតភ្លើងឆេះតែម្តង ។
ក្នុងពេលកើតហេតុនោះកម្លាំងជំនាញអគ្គីភ័យ របស់អធិការដ្ឋាននគរបាលស្រុកត្រាំកក់ សហការជាមួយកម្លាំងប៉ុស្តិ៍អង្គតាសោម បានចេញអន្តរាគមន៍ភ្លាមៗ ដោយប្រើប្រាស់ទឹកអស់តែកន្លះឡាន ទើបអគ្គីភ័យរលត់ជាស្ថាពរ ៕
