ភ្នំពេញ៖ យ៉ាងហោចណាស់មានមនុស្សចំនួន ៦នាក់ ស្រី២នាក់ រងរបួសធ្ងន់ស្រាល ក្នុងហេតុការណ៍គ្រោះថ្នាក់ចរាចរណ៍ រវាងម៉ូតូ២គ្រឿងបានបុកគ្នា កាលពីថ្ងៃទី៧ ខែកុម្ភ: ឆ្នាំ២០២១ វេលាម៉ោង ១៦៖៣០នាទី នៅលើផ្លូវក្រាលកៅស៊ូ ស្ថិតនៅភូមិរូង ឃុំបឹងខ្នារ ស្រុកបាកាន ។
សាក្សីនៅកន្លែងកើតហេតុបានឲ្យដឹងថា គេបានឃើញម៉ូតូធន់ C125 ពណ៌ខ្មៅសេរីឆ្នាំ២០១៣ ពាក់ផ្លាកលេខពោធិ៍សាត់1E.2344 បើកបរពីទិសខាងកើតទៅលិចដោយឈ្មោះ ណម សុផាត់ ភេទប្រុស អាយុ ៣៩ឆ្នាំ រស់នៅភូមិចាយ៉ូវ ឃុំមេទឹក ស្រុកបាកាន(របួសស្រាល) និងអ្នករួមដំណើរជិះពីក្រោយ៖
១-ឈ្មោះ ស៊ន ធាង ភេទស្រី អាយុ ១៨ឆ្នាំ រស់នៅភូមិជាមួយគ្នា (របួសស្រាល)។
២-ឈ្មោះ ឆាយ គា ភេទស្រី អាយុ ៥៤ឆ្នាំ រស់នៅភូមិជាមួយគ្នា(របួសធ្ងន់)។
ប្រភពបន្តថា លុះបើកបរដល់ចំណុចកើតហេតុខាងលើបាន បុកម៉ូតូម៉ាកស៊ូមមើអិចពណ៌ស្វាយ ពាក់ផ្លាកលេខពោធិ៍សាត់ 1L.6477 ដែលបើកឆ្លងផ្លូវពីទិសខាងជើងទៅត្បូង ដោយឈ្មោះ ប៊ុន វណ្ណហៀប ភេទប្រុស អាយុ ១៣ឆ្នាំ រស់នៅភូមិព្រះម្លូរ ឃុំបឹងខ្នារ ស្រុកបាកាន(របួសស្រាល) និងអ្នករួមដំណើរជិះពីក្រោយ១-ឈ្មោះ ប៊ុន វណ្ណ: ភេទប្រុស អាយុ ៣ឆ្នាំ រស់នៅភូមិជាមួយគ្នា(របួសស្រាល) និង២-ឈ្មោះ ឈាង ឆាង ភេទប្រុស អាយុ ១៣ឆ្នាំ រស់នៅភូមិរូង ឃុំបឹងខ្នារ ស្រុកបាកាន (របួសស្រាល)។ ក្រោយពេលកើតហេតុគេបានបញ្ជូន អ្នករងរបួសទៅកាន់មន្ទីរពេទ្យបង្អែកបាកាន ។
មន្ត្រីនគរបាលប៉ុស្តិ៍រដ្ឋបាល បឹងខ្នារបានបញ្ជាក់ថា ករណីគ្រោះថ្នាក់ចរាចរណ៍នេះ បណ្តាលមកពីកត្តាល្បឿន និងការមិនប្រុងប្រយ័ត្ន ។ ក្រោយធ្វើការវាស់វែង វត្ថុតាងទាំងពីរត្រូវបានសមត្ថកិច្ច យកមករក្សាទុកនៅប៉ុស្តិ៍នគរបាលរដ្ឋបាលបឹងខ្នារ ដើម្បីចាត់ការទៅតាមនីតិវិធី ៕
