ភ្នំពេញ៖ ក្មេងប្រុស-ស្រី២នាក់ បានលង់ទឹកប្រឡាយមុខផ្ទះបណ្តាលឲ្យស្លាប់ ដែលហេតុការណ៍នេះកើតឡើងនៅថ្ងៃទី២ ខែកុម្ភៈ ឆ្នាំ២០២១ នៅចន្លោះវេលាម៉ោង ៥និង០០នាទី ដល់ម៉ោង ៧និង០០នាទី នៅចំណុចមុខផ្ទះឈ្មោះ ផេង សុវី ភេទប្រុស ផ្លូវលេខ53A ស្ថិតក្នុងភូមិអញ្ចាញ ឃុំក្ដុលសែន ស្រុកទឹកផុស ខេត្តកំពង់ឆ្នាំង ។
ក្មេងរងគ្រោះមានឈ្មោះ ថុន គៀថេន ភេទប្រុស អាយុ ៧ឆ្នាំ ឪពុកឈ្មោះមិន ធឿន អាយុ៣១ឆ្នាំ ម្ដាយឈ្មោះ ឃន សំ អាយុ២៩ឆ្នាំ និងឈ្មោះ ធូ ចាន់ថុន ភេទស្រី អាយុ១០ឆ្នាំ ឪពុកឈ្មោះប៉ិល ធីម អាយុ៣៣ឆ្នាំ ម្ដាយឈ្មោះ ភុន ធីម អាយុ៣៦ឆ្នាំ ។ ជនរងគ្រោះទាំងពីរនាក់រស់នៅភូមិ ឃុំ កើតហេតុខាងលើ ។
ក្រោយកើតហេតុ សមត្ថកិច្ចមូលដ្ឋានបាន ចុះពិនិត្យលើសាកសព ឃើញថា ក្មេងរងគ្រោះទាំង២នាក់ ពិតជាលង់ទឹកស្លាប់ប្រាកដមែន និងបានប្រគល់សពជូន ក្រុមគ្រួសារធ្វើបុណ្យបានប្រពៃណី ៕
