ភ្នំពេញ៖ ក្នុងខែមករា ឆ្នាំ២០២១នេះ កម្ពុជាទទួលបានចំណូលជាង ៥ម៉ឺនដុល្លារ ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ធ្លាក់ចុះជាង ៩៩ភាគរយ បើធៀបរយៈពេលដូចគ្នាឆ្នាំ២០២០។
យោងតាមសេចក្តីប្រកាសព័ត៌មាន របស់គ្រឹះស្ថានអង្គរ នៅថ្ងៃទី១ កុម្ភៈនេះបានឲ្យដឹងថា ខែមករា ឆ្នាំ២០២១នេះ រមណីដ្ឋានអង្គរទទួលបាន ភ្ញៀវទេសចរបរទេសជាង ១.២១៣នាក់ ធ្លាក់ចុះជាង ៩៩ភាគរយ។
សម្រាប់ថវិកា ដែលបានពីលក់បណ្ណចូលទស្សនាអង្គរ រយៈពេល ១ខែមកនេះ ត្រូវបានរំលែកចំនួន ២.៤២៦ដុល្លារ ដើម្បីឧបត្ថម្ភដល់មូលនិធិគន្ធបុប្ផាកម្ពុជា ៕
