ភ្នំពេញ៖ កាលពីល្ងាចថ្ងៃទី១៥ ខែមករា ឆ្នាំ២០២១ កម្លាំងអន្តរាគមន៍នៃ អធិការដ្ឋាននគរបាលខណ្ឌជ្រោយចង្វារ សហការជាមួយកម្លាំងគណៈបញ្ជាការ ឯកភាពរដ្ឋបាលសង្កាត់ព្រែកលៀប និងសង្កាត់ព្រែកតាសេក ដឹកនាំដោយ លោក ចាន់ ស្លី អធិការរងនគរបាលខណ្ឌជ្រោយចង្វារ បានចុះបង្រ្កាបទីតាំងជួញដូរ ចែកចាយ និងប្រើប្រាស់គ្រឿងញៀនមួយកន្លែង នៅចំណុចរោងកម្មករសំណង់ ស្ថិតនៅលើផ្លូវលំ ភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។
ក្នុងប្រតិបត្តិការបង្រ្កាបនោះ សមត្ថកិច្ចបានឃាត់ខ្លួនជនសង្ស័យ ចំនួន ១១នាក់ (ស្រីម្នាក់) និងវត្ថុតាងម្សៅក្រាមសថ្លា ចំនួន ៥៣កញ្ចប់ សង្ស័យគ្រឿងញៀន។
បច្ចុប្បន្នជនសង្ស័យ និងវត្ថុតាង រក្សាទុកនៅអធិការដ្ឋាន នគរបាលខណ្ឌជ្រោយចង្វារ ដើម្បីអនុវត្តនីតិវិធីបន្ត ៕
