ភ្នំពេញ៖ កម្លាំងនគរបាលខេត្តបាត់ដំបង បានឃាត់ខ្លួនជនសង្ស័យ ៣នាក់ ក្រោយធ្វើសកម្មភាពកាប់បុរសចំណាស់ម្នាក់ បណ្ដាលឲ្យរងរបួស ។
ប្រតិបត្តិការនេះធ្វើឡើង កាលពីរសៀលថ្ងៃទី១៣ ខែមករា ឆ្នាំ២០២១ នៅចំណុចបន្ទប់ជួលស្ថិតក្នុងភូមិអូរតាគាំ១ សង្កាត់ទួលតាឯក ក្រុងបាត់ដំបងខេត្តបាត់ដំបង អនុវត្តន៍តាមបទបញ្ជារបស់លោក ឧត្ដមសេនីយ៍ទោ សាត គឹមសាន ស្នងការនៃ ស្នងការដ្ឋាននគរបាលខេត្តបាត់ដំបង និងដោយបានការសម្របសម្រួល លើនីតិវិធីពីលោក គឺ ប៊ុណ្ណារ៉ា ព្រះរាជអាជ្ញានៃអយ្យការអមសាលាដំ បូងខេត្តបាត់ដំបង លោកវរសេនីយ៍ឯក លឹម ពុទ្ធីឡា ស្នងការរង ផែផែនការងារនគរបាលព្រហ្មទ័ណ្ឌ បានឱ្យកម្លាំងនគរបាលក្នុងផែនដែល មានលោកវរសេនីយ៍ឯក ឈឿង គឹមសុង នាយការិយាល័យនគរបាល ព្រហ្មទណ្ឌកម្រិតស្រាល ដឹកនាំកម្លាំងក្រុមអន្តរាគមន៍បង្ការបង្ក្រាប ចុះប្រតិបត្តិការបង្ក្រាបករណី ហិង្សាដោយចេតនាមានស្ថានទម្ងន់ទោស (កាប់ដោយកាំបិត ) ១ករណីដោយបានធ្វើការនាំខ្លួន ជនសង្ស័យចំនួន ៣នាក់មក កាន់ស្នងការដ្ឋានដើម្បីធ្វើការស្រាវជ្រាវ ។
ជនសង្ស័យទាំង ៣នាក់រួមមាន៖ ១-ឈ្មោះ ហ៊ាង គឹមហាង ហៅជ្រុយ ភេទប្រុស អាយុ ២៤ ឆ្នាំ មានទីលំនៅភូមិព្រែកខ្ពប ឃុំព្រែក ខ្ពប ស្រុកឯកភ្នំ ខេត្តបាត់ដំបង ។ ២-ឈ្មោះ ចាយ ដូ ភេទប្រុស អាយុ ២១ឆ្នាំ មានទីលំនៅភូមិព្រែកខ្ពប ឃុំព្រែកខ្ពប ស្រុកឯកភ្នំ ខេត្តបាត់ដំបង ។ ៣-ឈ្មោះ ឆាំ សំបូរ ហៅ ទីន ភេទប្រុស អាយុ ២៥ឆ្នាំ មានទីលំនៅភូមិស្វាយស ឃុំត្រែង ស្រុករតនៈមណ្ឌល ខេត្តបាត់ដំបង ។
សូមរំលឹកថា កាលពីថ្ងៃទី១២ ខែមករា ឆ្នាំ២០២១ វេលាម៉ោង ១៤និង៣០នាទី នៅចំណុចក្នុងបរិវេណស្ថានីយ៍រថភ្លើង ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបងខេត្តបាត់ដំបង ក្រុមជនសង្ស័យខាងលើបានធ្វើសកម្មភាព ប្រើហិង្សាកាប់ដោយកាំបិត លើជនរងគ្រោះឈ្មោះ ឡុង ញើង ភេទប្រុស អាយុ៤២ ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង បណ្តាលឱ្យរងរបួស ។
ក្រោយកើតហេតុជនរងគ្រោះ បានដាក់ពាក្យបណ្តឹង មកសមត្ថកិច្ចនគរបាលហើយ ឆ្លងតាម រយៈការស្រាវជ្រាវ និងអនុវត្តតាមបទបញ្ជា របស់លោកឧត្តមសេនីយ៍ទោ សាត គឹមសាន ស្នងការ នគរបាលខេត្តបាត់ដំបង ទើបឈានដល់ការឃាត់ខ្លួនជនសង័្សយខាងលើមកធ្វើការស្រាវជ្រាវ។
វត្ថុតាងដកហូតរួមមាន៖ កាំបិតកែច្នៃ ១ដើម, ផ្លែរណាសម្រាប់អារទឹកកក១ និងដែកឆាប ១ ។
បច្ចុប្បន្នកម្លាំងការិយាល័យជំនាញ កំពុងកសាងសំណុំរឿងបញ្ជូនទៅ សាលាដំបូងខេត្តបាត់ដំបង ចាត់ការបន្តតាមនីតិវិធី ៕
