ឡានខ្នាតយក្សពាក់ផ្លាកលេខ «ខេមរភូមិន្ទ» ដឹកខ្សាច់ធ្ងន់ពេកបាក់ស្រុតបំផ្លាញស្ពានមួយ នៅ ស្រុកគងពិសី

ភ្នំពេញ៖ នៅពីថ្ងៃទី៥ ខែមករា ឆ្នាំ២០២០ម្សិលមិញនេះ មានករណីឡានធំម៉ាកយីឌុប ដឹកខ្សាច់ពេញមួយគ្រឿង ពាក់ផ្លាកលេខ «ខេមរភូមិន្ទ» 3-3127 បានបាក់ស្រុតដោយសារដឹកធ្ងន់ពេក បណ្តាលអោយស្រុតស្ពានសាធារណៈមួយ តាមច្រកចូលក្លោងទ្វារ វត្តអង្គដូនទេព ជាប់ផ្លូវជាតិលេខ៣ ស្រុកគងពិសី ខេត្តកំពង់ស្ពឺ ។

បើតាមប្រភពព័ត៌មាន បានអោយដឹងថា ច្រកចូលវត្តអង្គដូនទេព នេះ សម្បូរទៅដោយឡានដឹកដី ដឹកខ្សាច់ ខ្លាំងណាស់ ហើយដឹកជារៀងរាល់ថ្ងៃ ផងដែរ ស្រាប់តែនៅថ្ងៃកើតហេតុ ឡានយីឌុប ដ៏ធំមួយ ដឹកខ្សាច់ឡើងពេញ បានធ្វើដំណើរក្លោងទ្វារវត្តអង្គដូនទេព ក៏បាក់ស្រុត តែម្តង ។

បញ្ហានេះ ប្រជាពលរដ្ឋ បានសំណូមពរអោយអាជ្ញាធរពាក់ព័ន្ធមេត្តាមានវិធានការចំពោះឡានដឹកដី ដឹកខ្សាច់ ទាំងនេះផង ព្រោះបាននិងកំពុងបំផ្លាញផ្លូវ បំផ្លាញសោភ័ណភាព ជាពិសេស ហុយដីប៉ះពាល់សុខភាពប្រជាពលរដ្ឋ តែម្តង ៕