ឃាត់ខ្លួនជនសង្ស័យ២នាក់ ក្នុងចំណោមបក្ខពួក៤នាក់ ដែលលួចរាវរកវត្ថុបុរាណ នៅបរិវេណខាងត្បូងប្រាសាទព្រះខ័ន

ភ្នំពេញ ៖ កម្លាំងនគរបាល បានឃាត់ជនសង្ស័យ២នាក់ ក្នុងចំណោមបក្ខពួក៤នាក់ បានមករាវរកវត្ថុបុរាណ នៅបរិវេណខាងត្បូង ប្រាសាទព្រះខ័ន នៅថ្ងៃទី១២ ខែធ្នូ ឆ្នាំ ២០២០ ។យោងតាមអគ្គស្នងការនគរបាលជាតិបានឲ្យដឹងថា
ជនសង្ស័យរួមមាន ៖

១.ឈ្មោះ កេន សារ័ត្ន ភេទប្រុស អាយុ២៨ឆ្នាំ រស់នៅ ភូមិត្រពាំងខ្ទះ ឃុំស្វាយលើ ស្រុកស្វាយលើ ខេត្តសៀមរាប មុខរបរ ធ្វើស្រែ ។
២.ឈ្មោះ យ៉េន ស្រេន ភេទប្រុស អាយុ ៣៦ឆ្នាំ រស់នៅភូមិស្រយ៉ង់ត្បូង ឃុំស្រយ៉ង់ ស្រុកគូលេន ខេត្តព្រះវិហារ ។ ៣.ឈ្មោះភ័ក្រ្ត (រត់គេចខ្លួន) និង ៤.ឈ្មោះ ភាន់ រស់នៅស្មាច់ (រត់គេចខ្លួន) ។ ជិះ ម៉ូតូ ឌុប ចូលធ្វើ សកម្មភាព ។

វត្ថុតាង រួមមាន ៖ ម៉ាស៊ីន រាវ ២គ្រឿង ទូរស័ព្ទ ម៉ាកoppo ពណ៌ ខ្មៅ១ កាំបិត ចំពុះទុង២ តាសេះ១ ថ្ម ម៉ាស៊ីន ១គ្រាប់ កាបូបស្ពាយ ពណ៌ ខ្មៅ ១ ក្នុងកាបូបមាន ធូបមូស១ប្រអប់ អាវរងារដៃវែងពណ៌ ខ្មៅ ១ ស្រោម ទូរស័ព្ទ ១ និង ក្រម៉ា ពោះគោ១ ។

ជនសង្ស័យ និងវត្ថុតាង ព្រះរាជអាជ្ញា បានបញ្ជាអោយឃាត់ខ្លួន និងកសាងសំណុំរឿងបញ្ជូនទៅតុលាការ ចាត់ការ តាមច្បាប់៕