ភ្នំពេញ៖ បើតាមរបាយការណ៍របស់ ស្នងការដ្ឋាននគរបាលខេត្តកោះកុង បានឱ្យដឹងថា មានករណីរថយន្តខួងបង្គោលភ្លើង ដាច់ហ្វ្រាំង ក្រឡាប់ធ្លាក់ផ្លូវ នៅចំណុចអន្ទង់អាំងធំ ។ ហេតុការណ៍នេះ បានកើតឡើង កាលពីម៉ោង ៨:៣០នាទីព្រឹក ថ្ងៃទី១០ ខែធ្នូ ឆ្នាំ២០២០ នៅចំនុចផ្លូវជាតិលេខ ៤៨ ចន្លោះបង្គោលគីឡូម៉ែត្រលេខ ៦១-៦២ អន្ទង់អាំងធំ ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ បណ្តាលឲ្យរងរបួសធ្ងន់ ៣នាក់ របួសស្រាល ម្នាក់ និងបាត់ខ្លួន ម្នាក់ ។
ចំពោះអ្នកដែលបាត់ខលួន កម្លាំងសមត្ថកិច្ច កំពុងរុករក ចំណែកឯ ជនរងគ្រោះទាង ៤នាក់ ត្រូវបានបញ្ជូនទៅព្យាបាល នៅមណ្ឌលសុខភាព អណ្តូងទឹក ។
រថយន្ត RHINO ពណ៌ស ពាក់ស្លាកលេខ ភ្នំពេញ 5A-1067 បើកបរដោយឈ្មោះ ខ្លា ភេទប្រុស អាយុ ២៤ឆ្នាំ ក្នុងទិសដៅពីភ្នំពេញ មកកោះកុង ក្រោយកើតហេតុ អ្នកបើកបរ បានរត់គេចខ្លួនបាត់ ។ មូលហេតុ៖ រថយន្ត ដាច់ហ្វ្រាំង ត្រង់ចំនុចចុះចំណោទ ៕
