គ្រឹះស្ថានអប់រំ បណ្តុះបណ្តាលបច្ចេកទេស និងវិជ្ជាជីវៈ ត្រូវបិទបណ្តោះអាសន្ន រយៈពេល ១៥ថ្ងៃ ដើម្បីទប់ស្កាត់កូវីដ១៩

ភ្នំពេញ៖ ដើម្បីចូលរួមចំណែកក្នុងការ ទប់ស្កាត់ការរីករាលដាលនៃជំងឺកូវីដ-១៩ ក្នុងសហគមន៍ ក្រសួងការងារ និងបណ្តុះបណ្តាលវិជ្ជាជីវៈ បានប្រកាសផ្អាកដំណើរ ការបណ្ដុះបណ្ដាល នៅតាមគ្រឹះស្ថានអប់រំ បណ្តុះបណ្តាលបច្ចេកទេស និងវិជ្ជាជីវៈសាធារណៈ និងឯកជនទាំងអស់ រយៈពេល ១៥ថ្ងៃ ដោយគិតចាប់ពីថ្ងៃទី១ ដល់ថ្ងៃទី១៥ ខែធ្នូ ឆ្នាំ២០២០។

យោងតាមសេចក្ដីជូនដំណឹង របស់ក្រសួងការងារ នៅថ្ងៃទី៣០ វិច្ឆិកានេះ បានឲ្យដឹងថា គ្រប់គ្រឹះស្ថានទាំងអស់ អាចបន្តដំណើរការបណ្តុះបណ្តាល តាមប្រព័ន្ធបណ្តុះបណ្តាល ចម្ងាយ ឬអនឡាញ (ONLINE)។