ភ្នំពេញ៖ មានប្រជាពលរដ្ឋទូរស័ព្ទ រាយការណ៍មកថា មានជនជាតិចិនម្នាក់ ពាក់អាវយឺត ពណ៌ក្រហម ឈរនៅកន្លែងស្ងាត់ នៅចំណុចអូរត្រេះ ស្ថិតនៅភូមិ៦ សង្កាត់៤ ក្រុង-ខេត្តព្រះសីហនុ ។
បន្ទាប់ពីទទួលដំណឹងភ្លាម នៅវេលាម៉ោង ៣និង០០នាទី ទៀបភ្លឺថ្ងៃទី២៧ ខែវិច្ឆិកា ឆ្នាំ២០២០ កម្លាំងជំនាញផែនការងារ នគរបាលព្រហ្មទណ្ឌ បានចុះទៅដល់ទីតាំងនោះ ក៏ប្រទះឃើញមានជនសង្ស័យ ម្នាក់ ជាជនជាតិចិន ដូចដែលប្រជាពលរដ្ឋរាយការណ៍មក សមត្ថកិច្ចក៏ឃាត់ខ្លួនជនសង្ស័យនោះ និងបានធ្វើការត្រួតពិនិត្យក្នុងខ្លួន រកឃើញអាវុធខ្លី ១ដើម ម៉ាក K59 ,បង់កាំភ្លើង ១ មានគ្រាប់ចំនួន ៤ គ្រាប់ , កាតបន្ទប់ ១ និងទូរស័ព្ទ ១គ្រឿង ។
ករណីនេះ សមត្ថកិច្ច ក៏បាននាំខ្លួនមកកាន់ស្នងការដ្ឋាន នគរបាលខេត្តព្រះសីហនុ ដើម្បីធ្វើការស្រាវជ្រាវសួរនាំបន្តតាមនីតិវិធី ៕
