ភ្នំពេញ៖ បុរសម្នាក់បានលោតទឹកពីលើស្ពានជ្រោយចង្វា ប៉ុនប៉ងសម្លាប់ខ្លួនតែមិនបានសម្រេច បង្កការភ្ញាក់ផ្អើលកាលពីវេលាម៉ោង១២ និង៥នាទី ថ្ងៃទី២៦ ខែតុលា ឆ្នាំ ២០២០ ។
ប្រភពពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញបុរសម្នាក់ បានជិះម៉ូតូឡើងស្ពានជ្រោយចង្វា ពីលិចទៅកើត លុះដល់កណ្ដាលស្ពាន បានឈប់ម៉ូតូ ដោយបន្សល់ទុកអាវពន្លឺមួយនៅលើម៉ូតូ រួចក៏លោតទឹកសម្លាប់ខ្លួនពីលើស្ពាន ចូលទៅក្នុងទន្លេ តែភ្លាមៗនោះក៏ផ្អើលដល់ប្រជានេសាទចេញទូកទៅជួយ សង្គ្រោះទាន់ពេល។
សមត្ថកិច្ច រកឃើញកាតមួយសន្លឹកមានឈ្មោះ នុត ចាន់ឌឿន អាយុ៣៣ឆ្នាំ ជាមន្ត្រីជាប់កិច្ចសន្យានៃមន្ទីរសាធារណការ និងដឹកជញ្ជូនរាជធានីភ្នំពេញ ស្នាក់នៅផ្ទះ៣១អឺ០ហ្សិត ផ្លូវ២៤៧ ភូមិ១៥ សង្កាត់បឹងសាឡាង ខណ្ឌទួលគោក រាជធានីភ្នំពេញ និងម៉ូតូមួយគ្រឿង ម៉ាកឌ្រីម ពណ៌ខ្មៅ ស៊េរីឆ្នាំ២០១៣ ពាក់ស្លាកលេខ ភ្នំពេញ 1BV 0052។
ជនរងគ្រោះត្រូវបានសមត្ថកិច្ច យកទៅសួរនាំ មុនប្រគល់ឱ្យក្រុមគ្រួសារ យកត្រឡប់ទៅផ្ទះវិញ ៕
