១៦ថ្ងៃ ពលរដ្ឋជាង ២ម៉ឺននាក់ ត្រូវជម្លៀសចេញពីផ្ទះ និងមានមនុស្សស្លាប់ ១៨នាក់ ដោយសារទឹកជំនន់វាយប្រហារ

ភ្នំពេញ៖ គិតចាប់ពីថ្ងៃទី១-១៦ ខែតុលា ឆ្នាំ២០២០នេះ ទឹកជំនន់បានបន្តវាយប្រហារ ខេត្តមួយចំនួន នៃប្រទេសកម្ពុជា ដោយបានសម្លាប់មនុស្ស ១៨នាក់ និងប្រជាជនប្រមាណ ៦.២៩៨គ្រួសារ ស្មើនឹងប្រមាណ ២៥.១៩២នាក់ ត្រូវជម្លៀសចេញពីផ្ទះសម្បែង ។

យោងតាមទិន្នន័យផលប៉ះពាល់ ខូចខាតដោយជំនន់ទឹកភ្លៀង របស់គណៈកម្មាធិការជាតិ គ្រប់គ្រងគ្រោះមហន្ដរាយ នៅថ្ងៃទី១៦ តុលានេះ បានឲ្យដឹងថា រាជធានី-ខេត្តដែលទទួលរងផលប៉ះពាល់ ដោយសារជំនន់ទឹកភ្លៀងរួមមាន៖ ខេត្តពោធិ៍សាត់ ប៉ៃលិន បន្ទាយមានជ័យ ភ្នំពេញ បាត់ដំបង ស្វាយរៀង ឧត្តរមានជ័យ សៀមរាប តាកែវ កំពង់ស្ពឺ មណ្ឌលគិរី ព្រះសីហនុ កោះកុង ព្រះវិហារ ស្ទឹងត្រែង កំពង់ចាម កណ្ដាល កំពង់ឆ្នាំង និងកំពង់ធំ ៕