ភ្នំពេញ៖ បន្ទាប់ពីមានការចង្អុលបង្ហាញ ពីលោកឧត្តមសេនីយ៍ទោ ជួន ណារិន ស្នងការនគរបាលខេត្តព្រះសីហនុ កម្លាំងអធិការដ្ឋាននគរបាលស្រុកព្រៃនប់ បានឃាត់ខ្លួនជនសង្ស័យ ៤នាក់ ក្រោយធ្វើសកម្មភាពលួចកាត់ខ្សែភ្លើង កាលពីម៉ោង ៦៖៣០នាទីព្រឹក ថ្ងៃទី១៥ ខែតុលា ឆ្នាំ២០២០ នៅចំណុចក្រុមហ៊ុនស៊ីណូត្រេតហ្វូល (រោងចក្រប្រេងកាត) ស្ថិតក្នុងភូមិព្រែកទាល់ ឃុំទឹកថ្លា ស្រុកព្រៃនប់ ខេត្តព្រះសីហនុ ។
ក្នុងប្រតិបត្តិការលើកទី១ ឃាត់ខ្លួនជនសង្ស័យចំនួន ៣នាក់រួមមាន៖
១.ឈ្មោះ សាត និត ភេទប្រុស អាយុ៥០ឆ្នាំ មុខរបរធ្វើស្រែ មានទីលំនៅភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ។
២.ឈ្មោះ ឈឿន រតនា ហៅអាកាឌុត ភេទប្រុស អាយុ២៧ឆ្នាំ មុខរបរមិនពិតប្រាកដ មានទីលំនៅភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ។
៣.ឈ្មោះ ខន ពន្លក ហៅខ្លឹង ភេទប្រុស អាយុ២៧ឆ្នាំមុខរបរមិនពិតប្រាកដ មានទីលំនៅភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ។
ជនសង្ស័យទាំង៣នាក់ បានធ្វើសកម្មភាពប្រើរណាលួច អាកាត់ខ្សែភ្លើងរបស់ក្រុមហ៊ុនស៊ីណូត្រេតហ្វូល (រោងចក្រប្រេងកាត) ហើយក្នុងពេលកំពុងធ្វើសកម្មភាព ក៏ត្រូវបានកំលាំងសមត្ថកិច្ចនគរបាលស្រុក សហការជាមួយសន្តិសុខក្រុមហ៊ុន ធ្វើការឃាត់ខ្លួនបានឈ្មោះសាត និត រីឯឈ្មោះឈឿន រតនា និងឈ្មោះ ខន ពន្លក រត់គេចខ្លួនអស់។
បន្ទាប់ពីមានការចង្អុលបង្ហាញ ពីលោកឧត្តមសេនីយ៍ទោ ជួន ណារិន ស្នងការនគរបាលខេត្ត លោកឧត្តមសេនីយ៍ត្រីកុល ផាលី ស្នងការរងទទួលផែនយុត្តិធម៌ លោកនាយការិយាល័យ និងអធិការនគរបាលស្រុកព្រៃនប់ កំលាំងជំនាញបានធ្វើការស្រាវជ្រាវ យ៉ាងយកចិត្តទុកដាក់បានធ្វើការឃាត់ខ្លួន ជនសង្ស័យចំនួន ៣នាក់ផ្សេងទៀត ដែលធ្លាប់ប្រព្រឹត្តអំពើលួច កាត់ខ្សែភ្លើង មានឈ្មោះដូចខាងក្រោម៖
១.ឈ្មោះ បេ ភក្តី ហៅអាតុញ ភេទប្រុស អាយុ២០ឆ្នាំ មុខរបរធ្វើស្រែ មានទីលំនៅក្រុមទី៨ ភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ។
២.ឈ្មោះ បេ ឃឿន ភេទប្រុស អាយុ៣៩ឆ្នាំ មុខរបរធ្វើស្រែ មានទីលំនៅក្រុមទី២ ភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ។
៣.ឈ្មោះ បេ ឆុង ភេទប្រុស អាយុ២៧ឆ្នាំ មុខរបរធ្វើស្រែ មានទីលំនៅក្រុមទី២ ភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចធ្វើការឃាត់ខ្លួន ដើម្បីសាកសួរ និងកសាងសំណុំរឿងតាមនីតិវិធី រីឯបក្សពួកដែលបានរត់គេចខ្លួន សមត្ថកិច្ចនឹងធ្វើការស្រាវជ្រាវស្វែងរក ចាប់ខ្លួនមកទទួលទោសតាមផ្លូវច្បាប់ ៕
