ភ្នំពេញ៖ ព្រះសង្ឃមួយអង្គ គង់ក្នុងវត្តកណ្ដាល ស្ថិតនៅក្រុមទី៦ ភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង បានសម្រេចចិត្តធ្វើអត្តឃាត ដោយដុតសម្លាប់ខ្លួនឯង កាលពីថ្ងៃទី២១ ខែកញ្ញា ឆ្នាំ២០២០ ។
សាកសពឈ្មោះ ហ៊ាត ហ៊ាក់ ភេទប្រុស អាយុ ២១ឆ្នាំ មានទីលំនៅស្នាក់នៅក្នុងវត្តកណ្ដាល ក្រុមទី៦ ភូមិរំចេក៤ សង្កាត់រតនៈ ក្រុងបាត់ដំបង ខេត្តបាត់ដំបង មានស្រុកកំណើតនៅភូមិគោកឬស្សី ឃុំបាល្ល័ង្ក ស្រុកប្រាសាទបាគង ខេត្តសៀមរាប មុខរបរព្រះសង្ឃ ។
បើតាមការបំភ្លឺពី ព្រះគ្រូចៅអធិការវត្តកណ្ដាល បានឲ្យដឹងថា នៅថ្ងៃទី២១ ខែកញ្ញា ឆ្នាំ២០២០ វេលាម៉ោង ១១និង៣០នាទី ខ្លួនបានឃើញផ្សែងភ្លើងហុយយ៉ាងខ្លាំង នៅក្នុងបន្ទប់កុដលេខ២ ខ្លួនក៏ស្រែកសួរថា អ្នកណាដុតអីនៅខាងលើណឹង ដោយមិនមានអ្នកឆ្លើយ ខ្លួនក៏ឡើងទៅមើល បានឃើញបន្ទប់កុដលេខ២ ឆេះខាងក្នុងហើយជាប់ទ្វា ខ្លួនក៏ស្រែកហៅលោកសង្ឃ ដែលនៅក្បែរនោះ អោយមកជួយរុញទ្វាចេញ ដើម្បីយកទឹកមកពន្លត់ ពេលដែររុញទ្វាបានហើយ ខ្លួនបានឃើញព្រះសង្ឃមួយអង្គព្រះនាម ហ៊ាត ហ៊ាក់ (សាកសព) កំពុងតែឆេះខ្លួនប្រាណនៅលើគ្រែ ខ្លួននឹងព្រះសង្ឃដទៃទៀត បានយកទឹកមកជួយពន្លត់ តែព្រះសង្ឃ ហ៊ាត ហ៊ាក់ បានផុតដង្ហើមទៅហើយ ។
តាមការត្រួតពិនិត្យផ្នែកជំនាញ សពស្លាប់ដោយធ្វើអត្តឃាត ដោយដុតសម្លាប់ខ្លួន (អាចបណ្ដាលមកពី យកឆ្នាំងដាំទឹកអគ្គិសនី ដាក់គរបង្កប់ក្នុងពន្នកស្បង់ជីវរ សៀវភៅ ឯកសារមួយចំនួន ធ្វើអោយឆ្លងចរន្តអគ្គិសនីបង្កើតជាភ្លើងឆេះ ដោយសពបានយកស្បង់ជីវរចងខ្លួន ចងភ្ជាប់ទៅណឹងមេគ្រែជាប់ណឹងគ្រែ) ។
សពបានប្រគល់ទៅអោយឈ្មោះ កែវ សំពង់ (ព្រះគ្រូចៅអធិការវត្តកណ្ដាល) យកទៅធ្វើបុណ្យតាមប្រពៃណី ។
