សូមបង្កើនការប្រុងប្រយ័ត្ន! ជំនន់ទឹកភ្លៀង កំពុងជន់លិច ផ្ទះប្រជាពលរដ្ឋ ៣៧ខ្នង នៅខេត្តប៉ៃលិន

ភ្នំពេញ៖ សូមបងប្អូនប្រជាពលរដ្ឋ បង្កើនការប្រុងប្រយ័ត្ន ឲ្យបានខ្ពស់បំផុត! នៅព្រឹកថ្ងៃទី២១ ខែកញ្ញា ឆ្នាំ២០២០នេះ ជំនន់ទឹកភ្លៀង កំពុងតែហូរស្រុងចុះទៅខាងក្រោម នៃតំបន់ផ្ទៃរងទឹកភ្លៀងរបស់អូរដូនតា កក្តានេះបានបង្ករឲ្យទឹកកំពុងជន់លិច ផ្ទះប្រជាពលរដ្ឋចំនួន ៣៧ខ្នងផ្ទះ ខ្នងប្រឡាយប្រវែងជាង ២០០ម៉ែត្រ ផ្លូវលំប្រវែងជាង ៥០០ម៉ែត្រ ស្ថិតក្នុងភូមិព្រៃសន្ទះ និងភូមិផ្ទះស្បូវ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។ នេះបើយោងតាមក្រសួងធនធានទឹក និងឧតុនិយម ។