ភ្នំពេញ៖ លោក គួច ចំរើន អភិបាលខេត្តព្រះសីហនុ បានសម្ដែងនូវការហួសចិត្ត បន្ទាប់ពីកើតមានករណី ជនចង្រៃម្នាក់ទៀត យកញញួរដែកស្បែង ដើរវាយបំផ្លាញ សមិទ្ធិផលរួម ជាចង្អូរទឹកអស់ ១២កន្លែង ។
លោក គួច ចំរើន បានសរសេរលើបណ្ដាញសង្គមហ្វេសប៊ុក យ៉ាងដូច្នេះថា «មានជនចង្រៃ ម្នាក់ទៀតហើយ យកញញួរ ដែកស្បែង ដើរវាយបំផ្លាញ សមិទ្ធិផលរួម ជាចង្អូរទឹកអស់ ១២កន្លែង ។ ពិតជាលំបាកយល់» ។
សូមរំលឹកផងដែរថា កាលពីពេលថ្មីៗកន្លងទៅនេះ ស្រដៀងគ្នានេះដែរ ដោយមានជនចង្រៃ បានដើរដកដើមផ្កាក្រដាស ដែលដាំនៅមហាវិថីជំទាវម៉ៅ ចោលអស់រាប់រយគុម្ភ បោះរាយប៉ាយនៅលើផ្លូវ ៕
