ភ្នំពេញ៖ មានករណីបងប្អូន ២នាក់ បាននាំគ្នាទៅលេងទឹកសមុទ្រ នៅចំណុច ឆ្នេរពយស្ងាវ ស្ថិតក្នុងភូមិព្រែកស្មាច់ ឃុំកោះស្តេច ស្រុកគីរីសាគរ កាលពីថ្ងៃទី១៧ កញ្ញា ប៉ុន្តែជាអកុសលត្រូវទឹករលក បោករសាត់បាត់ ។
ជនរងគ្រោះទាំង ២នាក់មានឈ្មោះ៖ ១-ដា ស្រីឡែន ភេទស្រី អាយុ ១៧ឆ្នាំ ជនជាតិខ្មែរ មុខរបរសិស្ស ។ ២-ដា វីរៈថេ ភេទប្រុស អាយុ ១៥ឆ្នាំ ជនជតិខ្មែរ មុខរបរសិស្ស ។ ជនរងគ្រោះទាំង ២នាក់នេះ មានទីលំនៅ ភូមិព្រែកខ្យង ឃុំតានូន ស្រុកបុទុមសាគរ ។
បើតាមសមត្ថកិច្ច បានឲ្យដឹងថា លុះមកដល់វេលាម៉ោង ៦ព្រឹក កម្លាំងសមត្ថកិច្ច បានស្វែងរកឃើញជនរងគ្រោះម្នាក់ ដែលជាប្អូនប្រុស បានអណ្ដែតទឹកស្លាប់បាត់បង់ជីវិតទៅហើយ និងម្នាក់ដែលជាបងស្រី កំពុងស្វែងរកបន្តទៀត ។
បច្ចុប្បន្ន សពជនរងគ្រោះ បានប្រគល់ជូនក្រុមគ្រួសារ រៀបចំធ្វើបុណ្យតាមប្រពៃណី ៕
