ភ្នំពេញ៖ តារាចម្រៀង ដាភ្លេង ដែលជាម្ចាស់ បទ«នឹកនា» និង «អារម្មណ៍សល់» បានចេញបទថ្មី ដែលមានចំណងជើងថា« កូរ៉ណា អែបខាង » ដើម្បី អប់រំ នឹង បួងសួង អោយប្រជាជនខ្មែរបានជៀសផុតពី វីរុសCovid 19 ។
ដាភ្លេង កន្លងទៅបានល្បីល្បាញ តាមរយៈពីរបទខាងលើ ដែលធ្វើឲ្យប្រិយមិត្តស្គាល់លោកយ៉ាងច្បាស់ ក្នុងវិស័យចម្រៀង ។ មិនត្រឹមតែជាអ្នកចម្រៀងប៉ុណ្ណោះទេ លោកក៏ជាអ្នកធ្វើ ភ្លេង ក្នុងទ្រនំថោនផងដែរ ។
លោក ដាភ្លេង បានឲ្យដឹងថា ហេតុផលដែលលោក បានបញ្ចេញបទចម្រៀងថ្មី « កូរ៉ណា អែបខាង » គឺចង់បន្តដាស់តឿនស្មារតីប្រជាពលរដ្ឋទាំងអស់ ឲ្យបន្ថែមការប្រុងប្រយ័ត្ន ទៅលើ វីរុសកូវីដ១៩ ដែលកំពុងវាយលុកនៅសាកលលោក និងកំពុងកើតមាននៅក្នុងប្រទេសកម្ពុជាយើងផងដែរ ។ លោកថា ក្នុងបទនេះ បានបង្ហាញពីសកម្មភាពខ្លះ ដែលប្រជាពលរដ្ឋ មិនគួរ ធ្វើ ដូចជាពេលកណ្តាស់ ពេលជួបគ្នាស្វាគមន៍ និងសកម្មភាពមួយចំនួនទៀត ។
លោកបានបន្តថា តាមរយៈបទនេះ លោកសង្ឈឹមថា ជាសារមួយអាចជួយដល់ប្រជាពលរដ្ឋកម្ពុជាយើង ក្នុងន័យចូលរួមចំណែកជាមួយក្រសួងសុខាភិបាល និងរាជរដ្ឋាភិបាលកម្ពុជា កុំឲ្យប្រជាពលរដ្ឋភ្លេចរឿងអនាម័យ នឹងបន្តថែខ្លួនតស៊ូប្រយុទ្ធប្រឆាំងជាមួយ កូវីដ១៩។
ក្នុងនោះដែរលោក ដាភ្លេង បានប្រាប់ថា លោកក៏បានត្រៀមបន្តចេញបទថ្មីមួយទៀត ជាមួយតារាស្រីស្រស់សោភា បាន មុន្នីល័ក្ខ ប៉ុន្តែបទអ្វីឲ្យប្រាកដ លោកសូមលាក់សិន ៕
ទស្សនាបទចម្រៀង « កូរ៉ណា អែបខាង » ដូចខាងក្រោម៖
