ភ្នំពេញ៖ ប្អូប្រុសរបស់ ស៊ុន ស្រីពេជ្រ ត្រូវបានបញ្ជូនទៅកាន់មន្ទីរពេទ្យទាំងក្នុងស្រុក និងក្រៅស្រុក អស់ជាច្រើនលើក ហើយនៅថ្ងៃនេះ ក៏មានបញ្ហាសុខភាព ដោយត្រូវការ បញ្ជូលឈាម ជាចំណែកមួយធ្ងន់ធ្ងរ សម្រាប់សុខភាពឲ្យប្រសើរឡើងវិញ ។
ពាក់ព័ន្ធនឹងជំងឺរបស់ប្អូនប្រុស ស៊ុន ស្រីពេជ្រ បានសរសេរនៅលើបណ្តាញសង្គមហ្វេសប៊ុកថា «បងប្អូនអើយជួយប្អូនខ្ញុំផង ពេលនេះខ្ញុំទ័លខ្លាំងណាស់ គ្មានទាំងលុយ គ្មានទាំងឈាមបញ្ចូលឱ្យប្អូនទេ ខ្ញុំលែងខ្មាស់អៀនអ្នកណាទៀតហើយ មានតែធ្វើម៉េចឱ្យប្អូនបានជា មុនមិនទាន់មានជំងឺកូវីដ១៩ រាតត្បាត ទោះអត់យ៉ាងណាក៏ខ្ចីលុយគេពីនេះពីនោះបាន ពេលច្រៀងបានលុយបង្វិលសងគេ តែអីលូវខ្ញុំពឹងលើអ្វី ការងារចប់ទាំងអស់ ព្រោះតែកូវីដ១៩ បងប្អូនខ្ញុំទាំងអស់ក៏រស់ដោយសារសិល្បៈពេលមានអាសន្នជួយគ្នាបាន តែពេលនេះចប់ទាំងអស់គ្នា ខ្ញុំសូមលើកដៃ សូមបងប្អូនសប្បុរសជនជួយប្អូននាងខ្ញុំផង 1$ 2$ ក៏អាចជួយសម្រួល និងជួយជីវិតប្អូនខ្ញុំបានផុតពីសេចក្តីស្លាប់ដែរ។ បងសង្ឃឹមថា ប្អូនប្រុសបងទ្រាំបានដល់ស្អែក ស្អែកមានគេជួយឈាម និងប្លាកែតអូនហើយ ទ្រាំណាអូនណា ABA 001240488 sun pich និងទូរស័ព្ទ 016573537 »។
ក្រោយប្រកូកប្រកាស គេក៏ឃើញ មានអ្នកក្នុងរង្វង់សិល្បៈជាច្រើនបានចូលរួមចំណែក ខ្លះៗ ដើម្បីសម្រួលបន្ទុកដល់ស៊ុន ស្រីពេជ្រ ដែលកំពុងពើបប្រទះនេះ ៕
