ភ្នំពេញ៖មានសិល្បៈ ជាច្រើនចាប់ផ្តើមប្រតិកម្មនឹងសំនេររបស់លោក ផែង វណ្ណៈ ក្រោយពីលោកបានប្រកាសផ្តល់ទឹកប្រាក់ ៥ពាន់រៀល ដល់តារាស្រុកខ្មែរមួយចំនួនដែលត្អួញត្អែររកលុយមិនបាន ក្រោយកូវីដ១៩ វាយលុក ក្នុងនោះដែរ ស្វែង សុជាតា ក៏បានប្រកាសឲ្យលោក ផែង វណ្ណៈ យកទឹកប្រាក់នោះ ធ្វើវិធីគុណ ជាមួយអ្នកសិល្បៈ ទូទាំងប្រទេសរួចយកទៅចែកបន្តដល់កុមារកម្ពុជា ដែលអត់ឃ្លាន។
ការឆ្លើយតប របស់ ស្វែង សុជាតា បន្ទាប់ពីលោក ផែង វណ្ណៈ បានសរសេរនៅលើបណ្តាញទំនាក់ទំនងសង្គមរបស់លោកថា ខ្ញុំសូមប្រកាសឧបត្ថម្ភតារាស្រុកខ្មែរ ដែលត្អួញត្អែររកលុយ មិនបានដោយសារបញ្ហា កូវីដ១៩ ម្នាក់ ៥០០០រៀល។ សូមទាក់ទងយកលុយពីខ្ញុំតាមទូរស័ព្ទ ០១២ ៩៣៣ ៨៨៣ ចាប់ពីព្រឹកថ្ងៃទី២០ ខែមីនា ឆ្នាំ២០២០ តទៅ។
ជាការឆ្លយតប នៅរសៀលថ្ងៃទី២០ ខែមីនា អ្នកនាងស្វែង សុជាតា បានសរសេរនៅលើបណ្តាញទំនាក់ទំនងសង្គមហ្វេសប៊ុករបស់ អ្នកនាងថា «ចាសនាងខ្ញុំសុំជំរាបស៊ួរពុកម៉ែបងប្អូនទាំងអស់ក៏ដូចជាមិត្តសិល្បះទាំងអស់ ជាពិសេសលោកផែង វណ្ណះ ជាទីគោរព!!
នាងខ្ញុំសូមជំរាបជូនលោកដោយស្មោះក្នុងនាមនាងខ្ញុំជាសិល្បះការនីផ្នែកទំរង់សម្តែងម្នាក់ នាងខ្ញុំសូមមិនទទួលយកប្រាក់អំណោយ5000រៀលនេះទេ សូមអគុណចំពោះទឹកចិត្តលោកប្រពៃកាត់ថ្លៃពុំបានទេចំពោះតារាសិល្បះរបស់កម្ពុជា។»
អ្នកនាងបានបន្តថា «ចង់សុំស្នើរលោក យកទឹកប្រាក់5000រៀលនេះគុណនឹងចំនួនសិល្បះទាំងអស់ទូទាំងប្រទេសកម្ពុជា យកទៅជួយកុមារកម្ពុជា ដែលអត់ឃ្លានពិតប្រាកដ រឺក៏មនុស្សចាស់ជរាគ្មានទីពឹង ពិតប្រាកដ គឺក្រុមសិល្បះយើងពិតជាត្រេកអរណាស់លោក នាងខ្ញុំនិយាយដោយស្មោះ
ចាស សូមអគុណ នឹង សូមជំរាបលា!!» ។
ដោយឡែកអ្នកនាង ញឹម ចាន់ថន វិញ ក៏បានលើកឡើងនៅលើបណ្តាញទំនាក់ទំនងសង្គមហ្វេសប៊ុក ដូចគ្នាផងដេរថា «អូ តារាណាខ្លះត្អូញត្អែរហើយឈ្មោះអី? ប្រាប់ពូ Pheng Vannak គាត់ជួយឧបត្ថម្ភ5000 រៀល!ចេះលេងសើចទៀត ពូល្បីហើយនៅចង់ល្បីទៀត ជ្រុលចេញមុខឧបត្ថម្ភអោយតារាហើយ!!ពូមិចក៏មិនអោយម្នាក់ 5000$ទៅពូ ពូគិតអោយ៥០០០ រៀល!មិនស្មើនិងក្មួយអោយនាក់មើលទ្បានផងនិងតិចម្ល៉េះពូ ហឺមមិចក៏គិតតារាស្រុកខ្ញុំថោកម្ល៉េះណ!!! ។អរគុណបំណងល្អរបស់ពូទៅលើកតារា ចឹងចុងក្រោយក្មួយជូនពរអោយពូផុត ពីជំងឺកូវីដ19ពូសំបូរលុយទុកមើលជំងឺផងណា មនុស្សចេញមុខច្រើនណាស់ល្បីក៏ច្រើន ពូល្បីទៀតហើយចឹង 20_3_2020» ៕
