បាត់មុខយូរ ទិនហ្វី ល្បីថារៀបការប្រពន្ធថ្មី

ថ្វីបើជារឿងឯកជន ប៉ុន្តែលោក Stephen Chow ហៅទិនហ្វី បានក្លាយជាប្រធានបទនៃពាក្យចចាមអារ៉ាមជាច្រើនពីជីវិតស្នេហា របស់លោក ។
នៅដើមខែមករា ឆ្នាំ​២០១៩ លោក​ទិនហ្វី ត្រូវបានលេច​ឡើងនូវព័ត៌មាន ធ្លាប់មានកូន ជាមួយ Cecilia Cheung ។ឥលូវនេះវិញ ក៏ចាប់ផ្តើម លេចឡើង នូវព័ត៌មានថាលោកបានរៀបការហើយ​។

ចាប់តាំងពីបែកបាក់ស្នេហាជាមួយមិត្តស្រីយ៉ាងយូរ ពោលគឺនៅឆ្នាំ ២០១០ លោក Stephen Chow នៅបន្តភាពនៅលីវ ដដែល ។ ទោះជាយ៉ាងនេះក្តី ក៏ស្រាប់តែនៅពាក់កណ្តាលខែកក្កដា កន្លងទៅ ស្រាប់តែលេចឡើងនូវព័ត៌មានពីអតីតអ្នកយកព័ត៌មានផ្នែកកម្សាន្តម្នាក់នៅហុងកុងអះអាងថា Stephen បានរៀបការហើយ។​

ឆ្លើយសំនួរអ្នកគាំទ្រនៅលើ Weibo ស្តីពីរបៀបដែលខ្សែភាពយន្តរបស់ Stephen មានឥទ្ធិពលនៅលើ Box Office អ្នកកាសែតរូបនោះ បានអះអាងថា ជាមួយនឹងការលើកទឹកចិត្តពីភរិយាថ្មីរបស់គាត់ ស្មារតីរបស់ Stephen ចាប់ផ្តើមមានភាពរឹងមាំឡើងវិញ។
ការឆ្លើយនេះបានធ្វើឲ្យ អ្នកលេងបណ្តាញសង្គមរបស់ចិន មានការវង្វេងស្មារតី ដោយគិតថា ស្តេចកំប្លែងរូបនេះ បានរៀបការដោយសម្ងាត់។

ដោយឡែក​តារាសម្តែង  Karen Mok  បាននិយាយថា លោកស្រីបានលឺដំណឹងនេះ ប៉ុន្តែមិនដឹងថាវាពិតឬយ៉ាងណា ក៏ព្រោះតែខានជួប Chow យូរហើយ​។​

រំពេច​ជាមួយគ្នានោះដែរ សារព័ត៌មានផ្សេងទៀតបានលើកឡើងពីសម្តីជំនួយការរបស់ Stephen ថាវាជារឿងក្លែងក្លាយ៕