ភ្នំពេញ៖ លោក ងួន សុបិន អ្នកនិពន្ធល្បីឈ្មោះ និងជាតារាសម្តែងក្នុងតំណែងតួក្រម៉ិចក្រមើម បានជួបនូវបញ្ហាគ្រោះថ្នាក់ចរាចរណ៍តិចតួច ដោយកង់បីខ្លាចសមត្ថកិច្ចពិន័យក៏បកក្រោយភ្លាមៗបណ្តាលឲ្យប៉ះរថយន្តអ្នកនិពន្ធនិងសំដែងខាងលើ ។
ងួន សុបិន បានសរសេរនៅលើបណ្តាញទំនាក់ទំនងសង្គមហ្វេសប៊ុករបស់លោក នៅរសៀលថ្ងៃទី១៤ ខែមិថុនា ឆ្នាំ២០១៩ ថា «បងអើយបងកង់បី ហេតុតែខ្លាចបងប៉ូលីស ផាក់ពិនយ័ ជិះទៅហើយសុខចិត្ត បងមកក្រោយបញ្រ្ចាស់គេ រហូតប៉ះឡានខ្ញុំ ហើយជិះរត់ទៀត តែខ្ញុំដេញទាន់ ហៅគាត់អោយមកទទួលកំហុស ដឹងហើយថាប៉ះទៅមិនមានអីសង់គេទេ ចឹងសូមប្រយត្ន័ ហើយគោរពច្បាប់ផងទៅបងអើយ សុំចិត្តហ្មង ណាបងអើយ យ៉ាងច្រើនបងប៉ូលីសផាក់តិចតួចទេ តែលូវមិចចូលដើមរឺលើសដើម សំណាងខ្ញុំមិនទាសង់ មិនឆោឡោ សាក់យើងប៉ះគាត់វិញមើលចាំមើលឆោឡោ ពេញហ្នឹងហើយ កុំយកគំរូតាមគាត់ណាបងៗកង់បី»។
