វីដេអូដែលបង្ហាញពីបំណងចុងក្រោយលោក យឹត សារិន ហៅស្វាស ដែលកាលនោះគេចាត់ទុកលោកជាមរតកមនុស្សរស់ តែមួយគត ដែលបានព្យាយាមរក្សា និងបង្ហាត់បង្ហាញ ល្ខោនខោល ដល់សិស្សជាច្រើន ។
លោក យឹត សារិន ហៅស្វាស បានមរណៈភាព កាលពីថ្ងៃទី ៤ ខែមីនា ឆ្នាំ២០១៧ ក្នុងជន្មាយុ ៩១ឆ្នាំ ហើយមុនលោកចែកឋាន លោកមានបំណងប្រាថ្នា ចង់ឃើញ ល្ខោននេះត្រូវបានទទួលស្គាល់ដោយពិភពលោក ។
បំណង លោក យឹត សារិន បានលើកឡើងអំឡុងពេលលោកសម្រាកក្នុងមន្ទីរពេទ្យថា «ខ្ញុំសូមជំរាប ជាចុងបញ្ចប់ លោកនិស្សិតទាំងអស់ ជាសិស្សខ្ញុំបានបង្ហាត់បង្ហាញ ពីឆ្នាំ១៩៨០មកទល់ពេលនេះ...ខ្ញុំសូមទទូច...ឆាកជីវិតនេះ ខ្ញុំទទូចសុំរាជរដ្ឋាភិបាល និងអង្គការ យូនេស្កូ (UN) សូមជួយសរសេរ ដាក់ថា #ល្ខោនខោល គឺជារបស់ខ្មែរ #ជាសម្បិត្តិបេតិកភណ្ឌពិភពលោក #នោះខ្ញុំសូមលាទៅបិទភ្នែកជិតហើយ...។»
ការស្នើសុំរបស់លោក អំឡុងពេលដែលនៅរស់រានមានជីវិតចុងក្រោយនោះ បានសម្រេចតាមរយៈប្រមុខរាជរដ្ឋាភិបាល បានខិតខំ ដាក់បញ្ចូលល្ខោននេះ ជាផ្លូវការដោយសម្រេចនាថ្ងៃទី២៨ ខែវិច្ឆិកា ឆ្នាំ២០១៨ ម្សិលមិញ ទៅជា បេតិកភណ្ឌវប្បធម៌អរូបីនៃមនុស្សជាតិ តាមរយៈអង្គការយូណេស្កូ ៕
មកទស្សនាវិដេអូចុងក្រោយរបស់លោក ៖
https://www.youtube.com/watch?v=WGmnG_-shSc
វីដេអូខាងលើនេះ ថតដោយលោក កែវ សាស្ត្រា ដែលបានព្យាយាមយកចិត្តទុកដាក់លើលោកតា ស្វាស កាលលោក នៅរស់។
