ភ្នំពេញ៖ ក្រោយពីបញ្ចេញស្នាដៃបទចម្រៀងទី១ ក្រោមចំណងជើងថា «ស្នេហ៍ខ្ញុំខុសអ្វី» ក៏ស្រាប់តែប្អូនប្រុសតារាសិចស៊ីដេននី ក្វាន់ បានបញ្ចេញនូវបទចម្រៀងស្នាដៃទី២ ពិរោះឡើងកប់ ស្ទើតែមិនគួរឲ្យជឿក្នុងសោតា ។នេះជាបទចម្រៀងចុងក្រោយរបស់លោក គីម សាន ក្នុងពិភពសល្បៈ ដែលលោកបានបញ្ចេញជាផ្លូវការ នាថ្ងៃទី៣ ខែតុលា ឆ្នាំ២០១៨ នៅលើបណ្តេញសង្គមហ្វេសប៊ុក និងត្រូវបានអាប់ឡូតចូលយូធូប ដោយមានអ្នកចុចស្តាប់ជាង កន្លះសែនដង ត្រឹមរយៈពេល ៣ម៉ោង។
បទចម្រៀងដែលស្តាប់ហើយ ជក់ចិត្តដិតអារម្មណ៍ ដោយលាយឡំគ្រប់រសជាតិទាំងកម្សត់ រ៉េប លាក់បង្កប់នូវមនោសញ្ចេតនាដក់ជ្រៅក្នុងក្រអៅ បេះដូង ស្តាប់ហើយមានអារម្មណ៍ស្រងេះស្រងោច រហូតមានអ្នកគាំទ្រខ្លះទាមទារឲ្យចេញ MV ក្នុងពេលឆាប់ៗខាងមុខថែមទៀតផង។
បញ្ជាក់ផងដែរ គីមសាន ត្រូវបានទស្សនិកជនជាច្រើនលើកសរសើរថា មានមុខមាត់ស្រដៀងនឹងបុរសស្អាតជាងគេបំផុតលើលោក គឺ . Omar Al Gala Borkan ៕
ស្តាប់បទចម្រៀងដូចខាងក្រោមនេះ៖
